நாட்டை கட்டமைக்க வாழ்வை அர்ப்பணித்தவர்.. காமராஜருக்கு பிரதமர் மோடி புகழாரம்!

Narendra Modi On Kamaraj : இந்திய சுதந்திர போராட்ட வீரர், நாட்டை கட்டமைக்க தன் வாழ்வை அர்ப்பணித்தவர் காமராஜர் என பிரதமர் நரேந்திர மோடி புகழாரம் சூட்டியுள்ளார்.

பெருந்தலைவர் காமராஜர், பிரதமர் நரேந்திர மோடி

ByPushpa Gopinath

Published on: July 15, 2026 at 11:18 am

Updated on: July 15, 2026 at 6:24 pm

புதுடெல்லி, ஜூலை 15, 2026: இந்தியாவின் முன்னாள் முதல்வரும், கல்வி மற்றும் சமூக முன்னேற்றத்தில் மறக்க முடியாத பங்களிப்பைச் செய்த கர்மவீரர் காமராஜரின் பிறந்த நாளை முன்னிட்டு, பிரதமர் நரேந்திர மோடி அவரை நினைவுகூர்ந்துள்ளார். “திரு கே. காமராஜ் ஜி அவர்களின் பிறந்தநாளில் அவரை நினைவுகூர்கிறோம். இந்தியாவின் சுதந்திரப் போராட்ட இயக்கத்தின் தூணாகவும், ஒரு தலைசிறந்த பொது ஆளுமையாகவும் திகழ்ந்த அவர், தனது வாழ்நாளை தேச நிர்மாணத்திற்காக அர்ப்பணித்தார்” என அவர் ட்விட்டரில் குறிப்பிட்டுள்ளார்.

பிரதமர் மோடி, காமராஜரின் கல்வி, அனைவரையும் உள்ளடக்கிய வளர்ச்சி மற்றும் நலிந்தோரின் நலன் ஆகிய துறைகளில் அவர் காட்டிய அசைக்க முடியாத அர்ப்பணிப்பை வலியுறுத்தினார். தலைமுறை தலைமுறையாக அவரது பணிகள் வழிகாட்டியாக இருந்து வருகின்றன என்றும் அவர் தெரிவித்தார்.

காமராஜர், தமிழகத்தில் கல்வி புரட்சியை ஏற்படுத்தியவர் என போற்றப்படுகிறார். குறிப்பாக, மதிய உணவுத் திட்டம் மூலம் ஏழை மாணவர்களுக்கு கல்வி வாய்ப்பை வழங்கியதோடு, சமூக நலனுக்காக பல்வேறு திட்டங்களை அறிமுகப்படுத்தினார். அவரது எளிமை, நேர்மை மற்றும் மக்கள் நலனுக்கான அர்ப்பணிப்பு, இன்றும் அரசியல் தலைவர்களுக்கு முன்னுதாரணமாக உள்ளது.

அவரது பிறந்த நாளில், அரசியல் தலைவர்கள், சமூக ஆர்வலர்கள் மற்றும் பொதுமக்கள் அனைவரும் அவரை நினைவுகூர்ந்து புகழாரம் சூட்டுகின்றனர். காமராஜரின் தியாகங்களும், அர்ப்பணிப்பும், இந்தியாவின் அரசியல் மற்றும் சமூக வரலாற்றில் என்றும் நிலைத்திருக்கும்.

இதையும் படிங்க : உச்ச நீதிமன்றத்தில் பரபரப்பு.. இரு சட்டக் கல்லூரி மாணவர்கள் கைது?