ஒ.டி.டி.க்கு வந்தாச்சு லாலேட்டனின் திரிஷ்யம் 3.. எப்போது? எதில் பார்க்கலாம்?

Drishyam 3 OTT release date: லாலேட்டன் மோகன் லாலின் திரிஷ்யம்- 3 திரைப்படம் ஒ.டி.டி. தளத்துக்கு வந்துள்ளது.

திரிஷ்யம்-3 மோகன் லால்

ByThilahavathy P

Published on: June 13, 2026 at 9:07 pm

Updated on: June 13, 2026 at 9:09 pm

திருவனந்தபுரம், ஜூன் 13, 2026: மலையாள சூப்பர் ஸ்டார் மோகன்லால் நடித்த திரிஷ்யம் 3 திரைப்படம், மே 21 அன்று திரையரங்குகளில் வெளியான சில நாள்களிலேயே உலகளவில் ₹200 கோடி வசூல் சாதனை படைத்தது. திரையரங்குகளில் தவறவிட்ட ரசிகர்களுக்காக, இப்படம் மிக விரைவில் ஓடிடி-யில் வெளியாகிறது.

ஜீத்து ஜோசப் இயக்கிய இந்தப் படம், ஜூன் 18 முதல் அமேசான் பிரைம் வீடியோவில் மலையாளத்துடன் தமிழ், தெலுங்கு, கன்னட மொழிகளில் டப்பிங் செய்யப்பட்ட பதிப்புகளுடன் வெளியாகிறது. இதன் மூலம், வெளியான ஒரு மாதத்திற்குள் ஓடிடி-யில் வெளியாகும் அரிதான சாதனையைப் படைத்துள்ளது.

Georgekutty and family awaits you ✨#Drishyam3OnPrime, June 18@mohanlal @jeethu4ever @antonypbvr @KumarMangat @jayantilalgada @AbhishekPathakk @aashirvadcine @PanoramaMovies @PenMovies @Rajeshmenon1969 pic.twitter.com/prBrniI6eN
— prime video IN (@PrimeVideoIN) June 13, 2026

திரிஷ்யம் தொடரின் விறுவிறுப்பான கதைக்களம், எதிர்பாராத திருப்பங்கள் மற்றும் மோகன்லால், மீனா, சித்திக் ஆகியோரின் சிறப்பான நடிப்பு, இந்திய சினிமாவின் மிகவும் கொண்டாடப்படும் திரில்லர்-நாடகத் தொடராக தன்னை நிலைநிறுத்தியுள்ளது.

பென் ஸ்டுடியோஸ் மற்றும் பனோரமா ஸ்டுடியோஸ் வழங்கி, ஆண்டனி பெரும்பாவூர் தயாரித்த இப்படம், ஜார்ஜ் குட்டி மற்றும் அவரது குடும்பத்தின் வாழ்க்கையை மீண்டும் பார்வையாளர்களுக்கு கொண்டு வந்துள்ளது. ரசிகர்கள், திரையரங்குகளில் பார்த்த அனுபவத்தை இப்போது வீட்டிலேயே அனுபவிக்க முடியும்.

இதையும் படிங்க : அவருடன் எந்த மோதலும் இல்லை.. கங்கனா ரணாவத்!