500 குழந்தை திருமணங்கள் தடுத்து நிறுத்தம்.. யார் இந்த ஜோதி?

Activist Saves Hundreds of Girls : 500 குழந்தை திருமணங்களை தடுத்து நிறுத்தி, பெண் குழந்தைகளின் காவலராகியுள்ளார் ஜோதி திவாரி.

ஜோதி திவாரி

BySaranya JK

Published on: May 15, 2026 at 6:49 pm

புதுடெல்லி, மே 15, 2026: மத்திய பிரதேசம் புந்தேல்கண்ட் பகுதியில், சமூக செயற்பாட்டாளர் ஜோதி திவாரி 500-க்கும் மேற்பட்ட சிறுவர் திருமணங்களை தடுத்து நிறுத்தியுள்ளார். குழந்தைகளின் கல்வி, பாதுகாப்பு மற்றும் எதிர்காலத்தை காப்பாற்றும் நோக்கில் அவர் துணிவுடன் செயல்பட்டு வருகிறார்.

ஜோதி திவாரி சமூகப் பணி

சமூக செயற்பாட்டாளரான ஜோதி திவாரி, சிறுவர் திருமணங்கள் அதிகமாக நடைபெறும் புந்தேல்கண்ட் பகுதியில் தனது பணியைத் தொடங்கினார். சிறுவர் திருமணங்களை தடுக்கும் நோக்கில், அவர் அரசு அதிகாரிகள், போலீஸ் மற்றும் உள்ளூர் சமூகத்துடன் இணைந்து செயல்பட்டார்.

மேலும், பெற்றோரை நேரடியாக சந்தித்து, குழந்தைகளின் கல்வி மற்றும் ஆரோக்கியம் குறித்து விழிப்புணர்வு ஏற்படுத்தினார். இந்த நிலையில், இதுவரை 500-க்கும் மேற்பட்ட சிறுவர் திருமணங்களை தடுத்து நிறுத்தியுள்ளார்.

பல குழந்தைகள், திருமணத்திற்கு பதிலாக பள்ளியில் சேர்க்கப்பட்டனர். இந்த நிலையில், அவரது முயற்சிகள், பெண்கள் கல்வி மற்றும் சமூக முன்னேற்றம் ஆகியவற்றில் முக்கிய பங்களிப்பைச் செய்துள்ளன. சமூக அழுத்தம், பாரம்பரிய நம்பிக்கைகள், வறுமை ஆகியவை அவரது பணிக்கு பெரிய சவாலாக இருந்தன. பல இடங்களில், பெற்றோர் மற்றும் சமூக தலைவர்கள் எதிர்ப்பு தெரிவித்தனர் என்பது குறிப்பிடத்தக்கது.

இதையும் படிங்க : டெல்லி ஸ்லீப்பர் பஸ்ஸில் பெண் வன்கொடுமை.. டிரைவர், நடத்துனர் கைது!