550 அப்ரண்டீஸ் பணியிடங்கள்; இந்தியன் ஓவர்சீஸ் வங்கி தேர்வு தேதி அறிவிப்பு

Bank Jobs | இந்திய ஓவர்சீஸ் வங்கி 2024 ஆம் ஆண்டுக்கான 550 அப்ரண்டீஸ் பதவிகளுக்கான தேர்வு தேதியை வெளியிட்டுள்ளது. இந்த தேர்வு 22 செப்டம்பர் 2024 அன்று நடைபெறும் எனத் தெரிவிக்கப்பட்டுள்ளது.

இந்தியாவின் முன்னணி பொதுத்துறை வங்கிகளில் ஒன்றான இந்தியன் ஓவர்சீஸ் வங்கி, 2024 ஆம் ஆண்டிற்கான ஆட்சேர்ப்பு அறிவிப்பை வெளியிட்டுள்ளது. இந்த அறிவிப்பு ஐஓபியின் அதிகாரப்பூர்வ இணையதளமான iob.in இல் 28 ஆகஸ்ட் 2024 அன்று வெளியிட்டது. விண்ணப்பிக்க கடைசி தேதி செப்டம்பர் 10 ஆகும்.

இந்நிலையில், இந்தியன் ஓவர்சீஸ் வங்கியின் அப்ரண்டிஸ் தேர்வு தேதி 2024 செப்டம்பர் 22 அன்று நடைபெறும் என அறிவிக்கப்பட்டுள்ளது. ஆன்லைன் தேர்வுக்குப் பிறகு தாய்மொழி தேர்வு நடைபெறும்.

வயது வரம்பு

இப்பணிக்கு வயது வரம்பு 20 முதல் 28 வரை இருக்க வேண்டும்.

கல்வித்தகுதி

ஏதேனும் ஒரு பிரிவில் இளங்கலை பட்டம் பெற்றவராக இருக்க வேண்டும்.

தேர்வுக் கட்டணம்

ஜெனரல் மற்றும் ஓபிசி பிரிவினர் ரூ. 944 விண்ணப்பக் கட்டணம் செலுத்த வேண்டும். எஸ்சி, எஸ்.டி பிரிவினர் மற்றும் பெண்களுக்கு ரூ. 708 மற்றும் மாற்றுத் திறனாளிகளுக்கு ரூ. 472 விண்ணப்பக் கட்டணம் செலுத்த வேண்டும். கட்டணம் செலுத்த கடைசி தேதி செப்டம்பர் 15 ஆகும்.

மேலும் விவரங்களுக்கு அதிகாரப்பூர்வ தளமான iob.in இல் பார்த்து தெரிந்துகொள்ளலாம்.

இதையும்ப படிங்க : இந்தியா போஸ்ட் ஜி.டி.எஸ் தேர்வு முடிவுகள் வெளியீடு: ஆன்லைனில் எப்படி பார்ப்பது?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்