இந்தியா போஸ்ட் ஜி.டி.எஸ் தேர்வு முடிவுகள் வெளியீடு: ஆன்லைனில் எப்படி பார்ப்பது?

India Post GDS Result 2024 | இந்திய அஞ்சல் அலுவலகம் இந்தியா போஸ்ட் ஜிடிஎஸ் தேர்வு முடிவுகளை வெளியிட்டுள்ளது. ஜம்மு & காஷ்மீர் மாநிலத்திற்கான முடிவுகள் விரைவில் வெளியாகும் என எதிர்பார்க்கப்படுகிறது.
இந்திய அஞ்சல் அலுவலகம் 2024 ஆம் ஆண்டு கிராமின் தக் சேவக் (ஜிடிஎஸ்) பதவிக்கான 44228 பணியாளர்ளை ஆட்சேர்ப்பு செய்யும் செயல்முறையை தொடங்கியுள்ளது.

இதற்கான தேர்வு ஏற்கனவே நிறைவடைந்துவிட்ட நிலையில், அதிகாரப்பூர்வ இணையதளமான indiapostgdsonline.gov.in-ல் தேர்வு செய்யப்பட்ட விண்ணப்பதாரர்களின் பெயர்கள் மற்றும் பதிவு எண்கள் பி.டி.எஃப் (PDF) வடிவத்தில் வெளியிடப்பட்டுள்ளன.

பட்டியலிடப்பட்ட விண்ணப்பதாரர்கள், அவர்களின் பதவிகளை உறுதி செய்ய, அக்டோபர் 3ஆம் தேதிக்குள் அவர்களின் பெயர்களுக்கு எதிராகக் குறிப்பிட்ட கோட்டத் தலைவரின் மூலம் ஆவணச் சரிபார்ப்பை நிறைவுசெய்ய வேண்டும். இந்தியா முழுவதும் வட்ட வாரியாக முடிவுகள் வெளியிடப்பட்டுள்ளது. இதில் ஆந்திரா, அசாம், டெல்லி, குஜராத், கர்நாடகா, கேரளா, மகாராஷ்டிரா, ஒடிசா, பஞ்சாப், தமிழ்நாடு, தெலுங்கானா மற்றும் மேற்கு வங்காளம் உள்ளிட்ட மாநிலங்கள் அடங்கும்.

இந்தியா போஸ்ட் GDS 2024 முடிவுகளை பதிவிறக்கம் செய்வது எப்படி?

• முதலில் indiapostgdsonline.gov.in என்ற இந்தியா போஸ்ட்டின் அதியாரப்பூர்வ இணையதளத்திற்கு செல்லவும்.
• முகப்பில் “முடிவுகள்” (Results) என்ற பகுதியை தேடுங்கள், இது பொதுவாக எளிதாகக் கிடைக்கும்.
• முடிவுகள் அறிவிக்கப்பட்ட 12 வட்டங்களில் உங்கள் வட்டத்துடன் தொடர்புடைய இணைப்பைப் கிளிக் செய்யவும்.
• பட்டியலிடப்பட்ட வேட்பாளர்களின் பட்டியலைக் கொண்ட PDF கோப்பு திறந்துவிடும். அதை பதிவிறக்கம் செய்து கொள்ளவும்.
• பட்டியலில் உங்கள் பெயர் அல்லது பதிவு எண்ணை கண்டுபிடிக்க, PDF ஐத் திறந்து ‘Ctrl+F’ செயல்பாட்டைப் பயன்படுத்தவும்.
• விண்ணப்பதாரர்கள் PDF இல் உள்ள அனைத்து விவரங்களையும் கவனமாக சரிபார்க்க வேண்டும். ஏதேனும் முரண்பாடுகள் காணப்பட்டால், உடனடியாக சம்பந்தப்பட்ட தபால் அதிகாரிகளை தொடர்புகொள்ளவும்.

பட்டியலிடப்பட்ட ஒவ்வொரு விண்ணப்பதாரருக்கும் PDF இல் உள்ள விவரங்கள் கீழ்க்காணுமாறு:

• வேட்பாளரின் பெயர்
• பதிவு எண்
• வகை
• பிரிவு
• வட்டம்
• விண்ணப்பித்த பதவி
• மதிப்பெண்கள்/சதவீதம்

இவற்றை சரிபாரத்துக்கொள்வது அவசியம் ஆகும்.

இதையும்ப படிங்க : எஸ்.பி.ஐ சிறப்பு அதிகாரி பணி; 58 பணி இடங்கள்: உடனே விண்ணப்பிங்க!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்