சித்ரா பௌர்ணமி.. திருவண்ணாமலைக்கு சிறப்பு பேருந்துகள்.. முழு விவரம்!

Tiruvannamalai: சித்ரா பௌர்ணமியை முன்னிட்டு திருவண்ணாமலைக்கு சிறப்பு பேருந்துகள் இயக்கப்படுகின்றன.

திருவண்ணாமலை

ByPushpa Gopinath

Published on: April 30, 2026 at 10:40 am

சென்னை, ஏப்.30, 2026: சித்ரா பௌர்ணமியை முன்னிட்டு திருவண்ணாமலைக்கு ஆயிரக்கணக்கான பக்தர்கள் செல்லவுள்ளதால், தமிழக அரசு போக்குவரத்து கழகம் சிறப்பு பேருந்துகளை இயக்குகிறது. இன்று இரவு 9 மணி முதல் நாளை இரவு 11 மணி வரை தொடர்ந்து இந்த சேவை நடைபெறும்.

கிளாம்பாக்கம்

இன்று (ஏப்ரல் 30) 548 சிறப்பு பேருந்துகள் இயக்கப்படுகின்றன.

நாளை (மே 1) 565 சிறப்பு பேருந்துகள் இயக்கப்படும்.

நாளை மறுநாள் (மே 2) 35 சிறப்பு பேருந்துகள் இயக்கப்படும்.

கூடுதலாக, நாளை 40 SETC சிறப்பு பேருந்துகள் கிளாம்பாக்கத்தில் இருந்து இயக்கப்படுகின்றன.

மாதவரம்

இன்று 186 சிறப்பு பேருந்துகள் இயக்கப்படுகின்றன.

நாளை 174 சிறப்பு பேருந்துகள் இயக்கப்படும்.

சென்னை அடையாறு

இன்று 55 சிறப்பு பேருந்துகள் இயக்கப்படுகின்றன.

நாளை 50 சிறப்பு பேருந்துகள் இயக்கப்படுகின்றன.

முக்கிய அம்சங்கள்

சித்ரா பௌர்ணமி நாளில் திருவண்ணாமலைக்கு செல்லும் பக்தர்களின் வசதிக்காக, சென்னை மற்றும் சுற்றுவட்டார பகுதிகளில் இருந்து கூடுதல் பேருந்துகள் இயக்கப்படுகின்றன.

தமிழக அரசு பேருந்து மற்றும் சென்னை பேருந்து கழகம் இணைந்து சேவையை வழங்குகின்றன.
பக்தர்கள் பாதுகாப்பாகவும் சிரமமின்றியும் பயணம் செய்ய ஏற்பாடுகள் செய்யப்பட்டுள்ளன.

இந்த சிறப்பு ஏற்பாடுகள் மூலம், ஆயிரக்கணக்கான பக்தர்கள் திருவண்ணாமலைக்கு சென்று சித்ரா பௌர்ணமி தரிசனத்தை எளிதாக மேற்கொள்ளலாம்.

இதையும் படிங்க : 2026 சட்டமன்ற தேர்தல்.. 5 மாநிலங்களில் யார் ஆட்சி? Exit Polls results 2026!