பனை தொழிலாளி மீது எஸ்.ஐ துப்பாக்கிச் சூடு.. தென்காசி போலீசார் விசாரிக்க கோர்ட் தடை!

Sub-Inspector Isakki Raja’s shooting : பனை தொழிலாளி மீது எஸ்.ஐ துப்பாக்கிச் சூடு நடத்திய விவகாரத்தில், தென்காசி போலீசார் விசாரிக்க கோர்ட் தடை விதித்துள்ளது.

தென்காசி பனை தொழிலாளி மீது எஸ்.ஐ துப்பாக்கிச் சூடு

ByJayakrishnan R

Published on: April 25, 2026 at 10:24 pm

மதுரை, ஏப்.25, 2026: தென்காசி மாவட்டம் ஆலங்குளம் அருகே மருதம்புத்தூர் பகுதியைச் சேர்ந்த பனை தொழிலாளி மணிகண்டன், பனை மரத்தில் இருந்து கள் இறக்கி விற்பனை செய்வதாக தகவல் கிடைத்ததைத் தொடர்ந்து சப்-இன்ஸ்பெக்டர் இசக்கி ராஜா அங்கு சென்று விசாரித்தார்.

அப்போது ஏற்பட்ட வாக்குவாதத்தில், பனை தொழிலாளியை எஸ்ஐ இசக்கி ராஜா துப்பாக்கியால் சுட்டதாக கூறப்படுகிறது.

போலீஸ் தரப்பு விளக்கம்: வாக்குவாதத்தின் போது பனை தொழிலாளி தாக்க முற்பட்டதால் தற்காப்புக்காக துப்பாக்கி பயன்படுத்தியதாக தெரிவித்துள்ளனர்.

பனை தொழிலாளிக்கு சிகிச்சை : பனை தொழிலாளி மணிகண்டன் தென்காசி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். மேலும், தாக்குதலில் காயம் அடைந்த எஸ்ஐ இசக்கி ராஜாவும் மருத்துவமனையில் அனுமதிக்கப்பட்டுள்ளார்.

சிபிஐ விசாரணை கோரிக்கை: மணிகண்டனின் தந்தை, இந்த வழக்கை தமிழக போலீசார் விசாரித்தால் நியாயம் கிடைக்காது எனக் கூறி, சிபிஐக்கு மாற்ற வேண்டும் என்று கோரி உயர் நீதிமன்ற மதுரை அமர்வில் மனு தாக்கல் செய்தார்.

நீதிபதி, வழக்கின் ஆவணங்களை நீதிமன்றத்தில் தாக்கல் செய்ய வேண்டும் என்றும், புதிய உத்தரவு வரும் வரை சம்பந்தப்பட்ட போலீசார் வழக்கை விசாரிக்கக் கூடாது என்றும் உத்தரவிட்டார். வழக்கு ஒத்திவைக்கப்பட்டது.

இந்தச் சம்பவம் தென்காசி மாவட்டம், பனை தொழிலாளர்கள் பிரச்சினைகள், மற்றும் சிபிஐ விசாரணை கோரிக்கைகள் தொடர்பான விவாதங்களை மீண்டும் எழுப்பியுள்ளது.

இதையும் படிங்க : ஆலங்குளத்தில் பனை விவசாயி மீது துப்பாக்கிச் சூடு.. எஸ்.ஐ இசக்கி ராஜாவும் காயம்!