கேரளத்தில் சாலை விபத்து மரணங்கள் குறைவு.. முழு விவரம்

Kerala: கேரளத்தில் 2025-ஆம் ஆண்டில் சாலை விபத்துகள் அதிகரித்தபோதும், சாலை விபத்து மரணங்கள் குறைந்தன.

கேரளத்தில் சாலை விபத்துகள் குறைவு

BySaranya JK

Published on: March 2, 2026 at 1:34 pm

திருவனந்தபுரம், மார்ச் 2, 2026: கேரளாவில் 2025-ஆம் ஆண்டில் சாலை விபத்துகள் அதிகரித்தபோதும், விபத்து மரணங்கள் குறைந்ததாக மோட்டார் வாகனத் துறை அதிகாரிகள் திங்கள்கிழமை தெரிவித்தனர். இது தொடர்பான அதிகாரப்பூர்வ புள்ளிவிவரங்களின்படி, 2025-இல் மாநிலம் முழுவதும் 49,889 சாலை விபத்துகளில் 3,733 பேர் உயிரிழந்தனர்; 56,922 பேர் காயமடைந்தனர்.

2024-இல் 3,875 பேர் உயிரிழந்த நிலையில், கடந்த ஆண்டு 142 பேரின் உயிரிழப்பு குறைந்ததாக சம்மந்தப்பட்ட துறை தெரிவித்துள்ளது. இது தொடர்பாக அதிகாரிகள் கூறுகையில், 2022 முதல் விபத்து மரணங்கள் தொடர்ந்து குறைந்து வருகின்றன. 2022-இல் 4,317 பேர் உயிரிழந்தனர்; 2023-இல் 4,080; 2024-இல் 3,875; 2025-இல் 3,733 ஆக இது உள்ளது.

இதையும் படிங்க: ஆந்திரா பட்டாசு ஆலையில் பயங்கர வெடி விபத்து: 21 பேர் உடல் கருகி பலி

இதில், மற்றொரு முக்கிய அம்சம் மோட்டார் சைக்கிள் விபத்து மரணங்களில் ஏற்பட்ட குறைவு. 2024-இல் 1,450 மரணங்கள் பதிவாகிய நிலையில், 2025-இல் அது 1,345 ஆகக் குறைந்தது” என்றனர்.

இரு சக்கர வாகன விபத்து மரணங்களும் தொடர்ந்து குறைந்து வருகின்றன: 2022-இல் 1,669; 2023-இல் 1,567; 2024-இல் 1,450; 2025-இல் 1,345 ஆக உள்ளது. எனினும், சாலை விபத்துகளின் எண்ணிக்கை தொடர்ந்து அதிகரித்து வருகிறது. கேரளா போலீஸ் இணையதளத்தில் உள்ள தரவுகளின்படி, 2022-இல் 43,910 விபத்துகள் பதிவாகிய நிலையில், 2023-இல் 48,068; 2024-இல் 48,834; 2025-இல் 49,889 விபத்துகள் பதிவாகியுள்ளன என்பது குறிப்பிடத்தக்கது.

இதையும் படிங்க: நாக்பூரில் பயங்கர வெடி விபத்து: 17 பேர் பலி