இந்திய பங்குச் சந்தை மந்தம்.. இன்போசிஸ் பங்கு 7.4% சரிவு!

Share Market: இன்றைய பங்கு வர்த்தகத்தில் இந்திய சந்தைகள் மந்தமாக காணப்பட்டன; இன்போசிஸ் பங்குகளை பொருத்தமட்டில் அதிகபட்சமாக 7 சதவீதம் வரை சரிவை கண்டன.

இந்திய பங்குச்சந்தைகள் நிலவரம்

BySaranya JK

Published on: February 4, 2026 at 8:36 pm

மும்பை பிப்ரவரி 4, 2026; முதலீட்டாளர்கள் உலக சந்தைச் சிக்னல்கள் மற்றும் ரூபாய் இயக்கங்களை கவனித்து, எச்சரிக்கையுடன் செயல்படுகின்றனர். குறிப்பாக, பங்குச் சந்தைகள் உலகளாவிய நிலவரங்கள், ரூபாய் மதிப்பு மாற்றங்கள், மற்றும் அமெரிக்க வர்த்தக முன்னேற்றங்கள் மீது கவனம் செலுத்துகிறது.

இந்த நிலையில் இன்றைய வர்த்தக முடிவில், நிப்டி ஐ.டி (Nifty IT) குறியீடு கடந்த 3 மாதங்களில் மிகக் குறைந்த நிலையில் முடிந்தது. இன்போசிஸ் (Infosys) பங்கு 7% சரிந்தது. நிப்டி (Nifty) 25,800-க்கு கீழே முடிவடைந்தது; சந்தை மந்தமாக இருந்தது. அதாவது இன்றைய வர்த்தகத்தில், இந்திய பங்குச் சந்தை புதன்கிழமை அமர்வை மந்தமான நிலையில், சிறிய நேர்மறை சாய்வுடன் முடித்தது. நிப்டி 50 49 புள்ளிகள் (0.19%) உயர்ந்து 25,776-இல் முடிந்தது.

பிஎஸ்இ சென்செக்ஸ் (BSE Sensex) 79 புள்ளிகள் (0.09%) உயர்ந்து 83,818-இல் நிறைவடைந்தது. தொடர்ந்து இன்றைய வர்த்தகத்தில், இன்போசிஸ் (Infosys) 7.4% சரிந்து ₹1,534-இல் முடிந்தது. மற்ற ஐ.டி பங்குகளும் அதேபோல் சரிந்தன. நிப்டி ஐ.டி (Nifty IT) குறியீடு 5.9% சரிவுடன் மூன்று மாதங்களில் மிகக் குறைந்த நிலையில் முடிந்தது; அனைத்து பங்குகளும் சிவப்பில் (red) முடிந்தன.

இதையும் படிங்க; மத்திய பட்ஜெட்டில் கேரளம் புறக்கணிப்பு.. சி.பி.எம் மாநிலம் தழுவிய போராட்டம்!