திடீர் மூச்சுத் திணறல்.. மூத்த கம்யூனிஸ்ட் நல்லகண்ணு மருத்துவமனையில் அனுமதி!

R Nallakannu: முதுபெரும் கம்யூனிஸ்ட் தலைவர் நல்லகண்ணு உடல் நலக்குறைவு காரணமாக மருத்துவமனையில் அனுமதிக்கப்பட்டுள்ளார்.

நல்லகண்ணு

ByPushpa Gopinath

Published on: February 2, 2026 at 9:42 pm

சென்னை பிப்ரவரி 2 2026; இரவு நேரத்தில் திடீர் மூச்சுத் திணறல் ஏற்பட்ட நிலையில், மூத்த கம்யூனிஸ்ட் தலைவர் நல்லகண்ணு மருத்துவமனையில் அனுமதிக்கப்பட்டுள்ளார். அவருக்கு மருத்துவர்கள் சிகிச்சை அளித்து வருகின்றார்கள்.

101 வயதான மூத்த கம்யூனிஸ்ட் தலைவர் நல்ல கண்ணுக்கு திடீரென வாமிட் ஏற்பட்டுள்ளது; மேலும் அவருக்கு மூச்சு திணறல் ஏற்பட்டதாகவும் கூறப்படுகிறது. இந்த நிலையில் நல்ல கண்ணு உடனடியாக சென்னை ராஜீவ் காந்தி மருத்துவமனையில் அனுமதிக்கப்பட்டார். அங்கு அவருக்கு மருத்துவர்கள் சிகிச்சை அளித்து வருகின்றனர். நல்லகண்ணு தற்போது நலமுடன் இருப்பதாகவும் அவரது உடல்நிலை தேறி வருவதாகவும் மருத்துவர்கள் தரப்பில் தெரிவிக்கப்பட்டுள்ளது.

சுதந்திர போராட்ட வீரர் கம்யூனிஸ்ட் கட்சியின் மூத்த தலைவர் என பல்வேறு பரிமாணங்களைக் கொண்ட நல்ல கண்ணு கடந்த ஆண்டு டிசம்பர் மாதம் தனது 101 வது பிறந்தநாளை கொண்டாடினார். இவருக்கு தமிழ்நாடு அரசு தகைசால் தமிழர் விருது வழங்கி கௌரவித்துள்ளது.

இதையும் படிங்க; திமுக தனிப்பெரும்பான்மை பெறும்.. உறுதியாக கூறும் வைகோ!