3 மணி நேர பயணம்.. முக்கிய ஒப்பந்தங்கள் கையெழுத்து.. நாடு திரும்பினார் UAE அதிபர்!

UAE President India Visit: ஐக்கிய அரபு எமிரேட்ஸ் அதிபர், இந்தியாவுக்கு 3 மணி நேர குறுகிய பயணம் மேற்கொண்டார். இந்த பயணத்தின் போது, பிரதமர் நரேந்திர மோடி அவருக்கு சிறப்பு வரவேற்பு அளித்தார்.

ஐக்கிய அரபு அபிரக அதிபருடன், பிரதமர் நரேந்திர மோடி

BySaranya JK

Published on: January 20, 2026 at 11:43 am

புதுடெல்லி ஜனவரி 20, 2026:ஐக்கிய அரபு எமிரேட்ஸ் அதிபர், இந்தியாவுக்கு 3 மணி நேர குறுகிய பயணம் மேற்கொண்டார். இந்த சந்திப்பு, மேற்காசியாவில் நிலவும் அதிர்வுகளின் சூழலில் நடைபெற்றது:

ஈரான் – அமெரிக்க உறவுகள் கடுமையாகப் பதற்றமடைந்துள்ளன.
காசா பகுதியில் நிலவும் தொடர்ந்துள்ள அசாதாரண நிலைமை.
ஏமன் மோதல் இன்னும் தீர்க்கப்படாத நிலையில் உள்ளது.

இத்தகைய சூழலில் UAE அதிபரின் இந்திய பயணம், இரு நாடுகளின் உறவுகளை வலுப்படுத்தும் முக்கியமான தூதரக நிகழ்வாகக் கருதப்படுகிறது. மேலும், இது, இந்தியா – UAE உறவுகள் மற்றும் மேற்காசிய அரசியல் நிலைமை ஆகியவற்றில் புதிய பரிமாணங்களை உருவாக்கும் வாய்ப்பாக பார்க்கப்படுகிறது.

இந்தியா – UAE நட்பு உறவு

பிரதமர் நரேந்திர மோடி, UAE அதிபர் ஷேக் முகமது பின் ஜாயித் அல் நஹ்யான் அவர்களை டெல்லியில் வரவேற்றார். இருவரும் அன்புடன் அணைத்துக் கொண்ட காட்சிகள் சமூக ஊடகங்களில் பகிரப்பட்டன.
இந்த நிலையில் ட்விட்டர் எக்ஸ் தளத்தில் பிரதமர் நரேந்திர மோடி, “என் சகோதரர், UAE அதிபர் அவர்களை வரவேற்க விமான நிலையத்திற்குச் சென்றேன். அவரது பயணம், இந்தியா–UAE நட்பு உறவுக்கு அவர் அளிக்கும் முக்கியத்துவத்தை வெளிப்படுத்துகிறது. எங்கள் உரையாடல்களை ஆவலுடன் எதிர்நோக்குகிறேன்.” என தெரிவித்திருந்தார்.

விமான நிலையத்திலிருந்து, இரு தலைவர்களும் ஒரே காரில் பயணம் செய்தனர், இது அவர்களின் நெருக்கமான உறவை வெளிப்படுத்தும் சிறப்பு நிகழ்வாக அமைந்தது.

இந்த சந்திப்பு, இந்தியா–UAE உறவுகளை மேலும் வலுப்படுத்தும் முக்கியமான தூதரக தருணமாகக் கருதப்படுகிறது.

இதையும் படிங்க; ஜி ராம் ஜி.. மக்களை தவறாக வழி நடத்துவதா? காங்கிரஸூக்கு சௌஹான் கண்டனம்!