முன்னாள் மனைவியுடன் ரியாலிட்டி ஷோ? மௌனம் கலைத்த யுஸ்வேந்திர சஹால்!

Yuzvendra Chahal: இந்திய கிரிக்கெட் வீரர் யுஸ்வேந்திர சஹால் தனது முன்னாள் மனைவி தன்ஷ்ரீ வர்மாவுடன் “தி 50” என்ற ரியாலிட்டி நிகழ்ச்சியில் மீண்டும் இணைவார் என்ற வதந்திகள் குறித்து மனம் திறந்து பேசியுள்ளார்.

முன்னாள் மனைவியுடன் இந்திய கிரிக்கெட் வீரர் யுஸ்வேந்திர சஹால்

ByPunitha Rajesh

Published on: January 19, 2026 at 4:30 pm

புதுடெல்லி, ஜன.19, 2026: இந்திய கிரிக்கெட் வீரர் யுஸ்வேந்திர சஹால் தனது முன்னாள் மனைவி தன்ஷ்ரீ வர்மாவுடன் “தி 50” என்ற ரியாலிட்டி நிகழ்ச்சியில் மீண்டும் இணைவார் என்ற வதந்திகள் குறித்து மௌனத்தை உடைத்துள்ளார்.

முன்னதாக சமீபத்தில், அவர் இந்த நிகழ்ச்சியில் பங்கேற்கிறார் என்ற ஊகங்கள் பரவிய நிலையில், சஹால் தனது இன்ஸ்டாகிராம் பக்கத்தில் விளக்கம் அளித்தார். இதன் மூலம், நிகழ்ச்சியில் பங்கேற்பது தொடர்பான வதந்திகளை தெளிவுபடுத்தியுள்ளார்.

சஹால் விளக்கம்

இந்திய கிரிக்கெட் வீரர் யுஸ்வேந்திர சஹால் சமீபத்தில் தனது இன்ஸ்டாகிராம் ஸ்டோரி மூலம் விளக்கம் அளித்துள்ளார். அவர் வெளியிட்ட அறிக்கையில், பரவி வரும் செய்திகள் உண்மையற்றவை என்றும், அவர் எந்த ரியாலிட்டி நிகழ்ச்சியுடனும் தொடர்பு இல்லை என்றும் தெளிவுபடுத்தினார்.

அந்த அறிக்கையில் மேலும், “யுஸ்வேந்திர சஹால் எந்த ரியாலிட்டி நிகழ்ச்சியிலும் பங்கேற்கிறார் என்ற செய்திகள் முற்றிலும் ஊகங்களும் தவறானவையும் ஆகும்.
இத்தகைய விவாதங்கள் அல்லது ஒப்பந்தங்கள் எதுவும் இல்லை” என்று கூறப்பட்டுள்ளது. மேலும், “சமீபத்திய செய்திகளில் குறிப்பிடப்பட்ட நிகழ்ச்சியுடன் யுஸ்வேந்திர சஹால் தொடர்பு இல்லை.

ஊடகங்கள் மற்றும் சமூக ஊடக பயனர்கள் உறுதிப்படுத்தப்படாத தகவல்களை பரப்புவதை தவிர்க்குமாறு கேட்டுக்கொள்கிறோம்” எனவும் கேட்டுக்கொள்ளப்பட்டுள்ளது.

இதையும் படிங்க: சச்சின் டெண்டுல்கருக்கு இடமில்லை.. மார்க் வாக் XI அணி.. சர்ச்சையும் விவாதமும்!