பெண்களுக்கு ரூ. 2000… ஆண்களுக்கும் இலவச பேருந்து.. இபிஎஸ் இன் அதிரடி தேர்தல் அறிக்கை

Assembly Election 2026:: தமிழக சட்டப்பேரவை தேர்தலை ஒட்டி எடப்பாடி பழனிச்சாமி முதற்கட்ட தேர்தல் வாக்குறுதிகளை இன்று அறிவித்தார்.

எடப்பாடி பழனிசாமி

BySaranya JK

Published on: January 17, 2026 at 2:06 pm

Updated on: January 17, 2026 at 10:38 pm

சென்னை, ஜனவரி 17 2026; தமிழக சட்டப்பேரவை தேர்தல் நெருங்கி வரும் நிலையில் அதிமுக பொதுச்செயலாளர் எடப்பாடி பழனிச்சாமி முதற்கட்ட தேர்தல் வாக்குறுதிகளை இன்று அறிவித்தார்.

அனைத்து குடும்ப அட்டைதாரர்களுக்கும் குலவிளக்கு திட்டத்தின் கீழ் ஒவ்வொரு மாதமும் ரூ. 2000 உதவித்தொகையாக வழங்கப்படும். இத்தொகை குடும்பத் தலைவியின் வங்கி கணக்கில் செலுத்தப்படும்.
நகரப் பேருந்துகளில் ஆண்களுக்கும் கட்டணமில்லா பேருந்து பயணத்திட்டம் தொடங்கப்படும். ஏற்கனவே நடைமுறையில் இருக்கும் நகரப் பேருந்துகளில் பயணம் செய்யும் மகளிருக்கான கட்டணமில்லா பேருந்து திட்டம் தொடர்ந்து செயல்படும்.
அம்மா இல்லம் திட்டத்தின் மூலம் கிராமப்புறங்களில் வீடு இல்லாதோருக்கு அரசே இடம் வாங்கி காங்கிரிட் வீடு கட்டித் தரப்படும். நகர்புறங்களில் வீடு இல்லாதோருக்கு அரசே இடம் வாங்கி அடுக்குமாடி வீடுகள் கட்டி விலையில்லாமல் வழங்கப்படும். ஒரே குடும்பத்தில் வசிக்கும் பட்டியலின மக்கள் அவர்களுடைய மகன்கள் திருமணம் ஆகி தனிக்குடித்தனம் செல்லும் போது அரசே இடம் வாங்கி கான்கிரீட் வீடுகள் கட்டித் தரப்படும்.
100 நாட்கள் வேலைவாய்ப்பு திட்டம் 125 நாட்களாக உயர்த்தப்படும் என்று மத்திய அரசு அறிவித்துள்ளது. கிராமப்புறங்களில் வளர்ச்சிக்கான இத்திட்டம் 150 நாட்களாக மாற்ற நடவடிக்கை எடுக்கப்படும்.
மகளிருக்கு ரூ. 25000 மானியத்துடன் 5 லட்சம் மகளிர்க்கு அக்கா இருசக்கர வாகனங்கள் வழங்கப்படும்.

உள்ளிட்ட அதிமுகவின் முதல் கட்ட தேர்தல் அறிக்கையை அதிமுக பொதுச்செயலாளர் எடப்பாடி பழனிச்சாமி இன்று வெளியிட்டார்.

இதையும் படிங்க : தமிழக வெற்றி கழக பிரச்சாரக் குழு அறிவிப்பு.. யார் அந்த 10 பேர்? முழு விவரம்!