கடல்வாழை பயிரிடுதல்.. இந்தியா- இஸ்ரேல் கடல் ஒப்பந்தம்!

India Israel Joint Declaration: இந்தியா மற்றும் இஸ்ரேல், மீன்வளம் மற்றும் நீர்வளம் துறைகளில் ஒத்துழைப்பை மேம்படுத்தும் நோக்கில் கூட்டு ஒப்பந்தத்தில் கையெழுத்திட்டுள்ளன.

இந்தியா மற்றும் இஸ்ரேல், மீன்வளம் மற்றும் நீர்வளம் ஒத்துழைப்பை மேம்பபாடு கூட்டு ஒப்பந்தத்தில் கையெழுத்திட்டன.

ByLeela Sankar

Published on: January 16, 2026 at 10:33 am

ஜெருசலேம், ஜன.16, 2026: இந்தியா மற்றும் இஸ்ரேல், மீன்வளம் மற்றும் நீர்வளம் (Fisheries & Aquaculture) துறைகளில் ஒத்துழைப்பை மேம்படுத்தும் நோக்கில் கூட்டு அறிக்கையில் கையெழுத்திட்டுள்ளன.
இந்த கூட்டு அறிவிப்பு, இந்தியாவின் பாரம்பரிய மீன்வளம் மற்றும் நவீன நீர்வளம் தொழில்நுட்பம் ஆகியவற்றை இணைத்து, உணவு பாதுகாப்பு, வேலை வாய்ப்பு, மற்றும் கிராமப்புற வளர்ச்சிக்கு புதிய வாய்ப்புகளை உருவாக்கும்.

சுருக்கமாகச் சொன்னால், இந்த ஒப்பந்தம் இந்தியா–இஸ்ரேல் உறவுகளை வலுப்படுத்துவதோடு, மீன்வளம் மற்றும் நீர்வளம் துறைகளில் நிலையான வளர்ச்சிக்கான புதிய பாதையைத் திறக்கிறது.
இஸ்ரேலில் நடைபெற்ற “ உலகளாவிய இரண்டாவது நீல உணவு பாதுகாப்பு- கடல் எதிர்காலம் 2026S மாநாட்டின் போது, இந்தியா மற்றும் இஸ்ரேல் மீன்வளம் மற்றும் நீர்வளம் துறைகளில் ஒத்துழைப்பை வலுப்படுத்தும் நோக்கில் கூட்டு அமைச்சரவை நோக்க அறிக்கையில் கையெழுத்திட்டன.

அறிக்கையின் முக்கிய அம்சங்கள்:

1)மேம்பட்ட நீர்வளம் தொழில்நுட்பங்களில் கூட்டு ஆராய்ச்சி மற்றும் மேம்பாடு
2) பொறுப்பான மீன்பிடி நடைமுறைகள் மற்றும் திறன் வளர்ப்பு
3) மரபணு மேம்பாட்டு திட்டங்கள்
4) கடல்சார் வளர்ப்பு (Mariculture) – குறிப்பாக கடல்வாழை (Seaweed) பயிரிடுதல்
5)இஸ்ரேலின் நீர் சேமிப்பு தொழில்நுட்பங்களைப் பயன்படுத்தி நீர்வளம் மேலாண்மை
6) மீன்வளம் மற்றும் நீர்வளம் துறைகளில் ஸ்டார்ட்அப்புகளின் பரிமாற்றம் மற்றும் ஆதரவு
7) நீலப் பொருளாதாரம் (Blue Economy) முன்னேற்றத்தில் இரு நாடுகளின் ஒத்துழைப்பை வலுப்படுத்துதல்

மூன்று நாள் உலக மாநாடு இஸ்ரேலின் ஏலாத் (Eilat) நகரில் நேற்று நிறைவடைந்தது. இதில், இந்திய பிரதிநிதித்துவத்தை மீன்வளம், கால்நடை பராமரிப்பு மற்றும் பால்வளத்துறை மத்திய அமைச்சர் ராஜீவ் ரஞ்சன் சிங் வழிநடத்தினார் என்பது குறிப்பிடத்தக்கது.

இதையும் படிங்க: ஈரானுடன் வணிகமா? 25 சதவீதம் வரி- பொருளாதார தண்டனை.. எச்சரிக்கும் அமெரிக்கா!