அமெரிக்க டாலர் vs இந்திய ரூபாய்.. இன்று எவ்வளவு சரிவு தெரியுமா?

Rupee falls 8 paise against US dollar : இந்திய ரூபாய், திங்கள்கிழமை (டிச.29, 2025) அமெரிக்க டாலருக்கு எதிராக எட்டு பைசா மதிப்பிழந்து காணப்பட்டது.

அமெரிக்க டாலருக்கு எதிரான இந்திய ரூபாய் மதிப்பு

BySaranya JK

Published on: December 29, 2025 at 11:12 pm

மும்பை, டிச.29, 2025: அமெரிக்க டாலருக்கு எதிரான இந்திய ரூபாய் மதிப்பு இன்றைய வர்த்தகத்தில் 8 பைசா சரிந்து காணப்பட்டது. அதாவது, இடைக்கால கணக்கில் 89.98 என வர்த்தகமானது. வெளிநாட்டு நிதி வெளியேற்றங்கள் மற்றும் உள்நாட்டு பங்குச் சந்தையின் எதிர்மறை போக்கு இதற்கு காரணமாக அமைந்தது.

இது குறித்து, வெளிநாட்டு நாணய வர்த்தகர்கள் கூறுகையில், “வெளிநாட்டு முதலீட்டாளர்களின் தொடர்ந்து நடைபெறும் மூலதன வெளியேற்றங்கள், இறக்குமதியாளர்களின் அதிகரித்த டாலர் தேவை ஆகியவை முதலீட்டாளர் நம்பிக்கையை பாதித்துள்ளன” என்றனர்.

முன்னதாக, இன்டர்பாங்க் வெளிநாட்டு நாணய சந்தையில், ரூபாய் 89.95-இல் டாலருக்கு எதிராக தொடங்கியது. நாள் முழுவதும், அது குறைந்தபட்சமாக 89.99-ஐத் தொட்டது; அதிகபட்சமாக 89.88-ஐ எட்டியது.
திங்கட்கிழமை வர்த்தக அமர்வு முடிவில், ரூபாய் இடைக்கால கணக்கில் 89.98-இல் அமெரிக்க டாலருக்கு எதிராக பதிவு செய்யப்பட்டது என்பது குறிப்பிடத்தக்கது.

இதையும் படிங்க: இந்தியாவின் 3வது பெரிய ஏற்றுமதி.. மின்னணு ஏற்றுமதி வளர்ச்சி – அஷ்வினி வைஷ்ணவ்!