மு.க ஸ்டாலின் வில், உதயநிதி அம்பு.. அன்பில் மகேஸ் மாஸ் பேச்சு

MK Stalin: மு.க ஸ்டாலின் அம்பாக, உதயநிதி அம்பு ஆக என மாஸாக பேசியுள்ளார் தமிழக பள்ளிக் கல்வித் துறை அமைச்சர் அன்பில் மகேஸ் பொய்யாமொழி.

மு.க ஸ்டாலின், உதயநிதி உடன் அன்பில் மகேஸ்

ByPushpa Gopinath

Published on: November 10, 2025 at 12:03 pm

திருச்சி, நவ.10, 2025: திருச்சி மாவட்டம் ஸ்ரீரங்கத்தில் எம்.எல்.ஏ. ஒருவரின் இல்லத் திருமண விழாவில் தமிழக முதலமைச்சர் மு.க ஸ்டாலின் கலந்துகொண்டார். இந்த விழாவில் பேசிய கல்வித் துறை அமைச்சர் அன்பில் மகேஸ் பொய்யாமொழி, “2026 சட்டமன்ற தேர்தலில் வியூகம் என்ற வில்லாக மு.க. ஸ்டாலின் இருங்கள். அதில், பாய்கின்ற அம்பாக தி.மு.க இளைஞரணி செயலாளர் உதயநிதி ஸ்டாலின் இருப்பார். அவர் எதிரிகளை ஓட ஓட விரட்டுவார்” எனத் தெரிவித்தார். இதைக் கேட்டு தி.மு.க.வினர் கைதட்டி ரசித்தனர்.

2026 சட்டமன்ற தேர்தல்

2026 சட்டமன்ற தேர்தல் ஏப்ரல்-மே மாதங்களில் நடைபெற உள்ளது. இந்தத் தேர்தலில் தி.மு.க. கூட்டணியில் காங்கிரஸ், இடதுசாரிகள் (இந்திய, மார்க்சிஸ்ட்), விடுதலை சிறுத்தைகள் கட்சி உள்ளிட்ட பல்வேறு கட்சிகள் உள்ளன. அ.தி.மு.க கூட்டணியில் பிரதான கட்சியாக பா.ஜ.க உள்ளது. பா.ம.க, தே.மு.தி.க உள்ளிட்ட கட்சிகள் தங்களது நிலைப்பாட்டை இன்னமும் அதிகாரப்பூர்வமாக தெரிவிக்கவில்லை.

நாம் தமிழர் கட்சி தனித்துப் போட்டி என்று அறிவித்துள்ள நிலையில், நடிகர் விஜய்யின் தமிழக வெற்றிக் கழகம், விஜய் தலைமையிலான கூட்டணியை ஆதரிக்கும் கட்சிகளுடன் மட்டுமே கூட்டணி என அறிவித்துள்ளது.

இதையும் படிங்க : தமிழர் பண்பாடு சீரழிப்பு.. தமிழ்நாட்டில் Big Boss நிகழ்ச்சிக்கு தடை.. வேல்முருகன்