கோவா முன்னாள் முதலமைச்சர் மரணம்.. யார் இந்த ரவி நாயக்?

Ravi Naik passes away: கோவா வேளாண் அமைச்சரும் முன்னாள் முதல்வருமான ரவி நாயக் மாரடைப்பால் காலமானார்.

ரவி நாயக்

BySaranya JK

Published on: October 16, 2025 at 1:44 pm

Updated on: October 16, 2025 at 1:45 pm

பனாஜி, அக்.16, 2025: கோவா மாநிலத்தின் முன்னாள் முதலமைச்சரும் தற்போதைய விவசாய அமைச்சருமான ரவி நாயக் நேற்று முன்தினம் இரவு (அக்.14, 2025) மாரடைப்பால் காலமானார். அவருக்கு வயது 79. அவரது மறைவுக்கு முதலமைச்சர் டாக்டர் பிரமோத் சாவந்த் ஆழ்ந்த இரங்கலைத் தெரிவித்துள்ளார். இது குறித்து அவர் வெளியிட்ட இரங்கலில், கோவா அரசியலின் ஒரு முக்கிய தலைவர் என்றும், பல தசாப்தங்களாக அர்ப்பணிப்புடன் பணியாற்றி மாநில நிர்வாகத்தில் ஒரு அழியாத முத்திரையைப் பதித்தவர் என்றும் நாயக்கை விவரித்தார்.

மேலும், தனது இரங்கல் செய்தியில், டாக்டர் சாவந்த், நாயக்கின் தலைமைத்துவம், பணிவு மற்றும் பொது நலனுக்கான பங்களிப்பு எப்போதும் நினைவுகூரப்படும் என்றும் தெரிவித்தார்.
தொடர்ந்து, அவரது குடும்பத்தினர், நண்பர்கள் மற்றும் ஆதரவாளர்களுக்கு ஆழ்ந்த இரங்கலையும் தெரிவித்துள்ளார்.
ரவி நாயக் தனது அரசியல் வாழ்க்கையில் முதலமைச்சர், அமைச்சரவை அமைச்சர் உட்பட பல முக்கிய பதவிகளை வகித்துள்ளார்.

பிரதமர் மோடி இரங்கல்

கோவாவின் முன்னாள் முதல்வரும் மாநில அமைச்சரவை அமைச்சருமான ரவி நாயக்கின் மறைவுக்கு பிரதமர் நரேந்திர மோடி இரங்கல் தெரிவித்துள்ளார்.
அவரின் இரங்கல் செய்தியில், “கோவாவின் வளர்ச்சிப் பாதையை வளப்படுத்திய அனுபவம் வாய்ந்த நிர்வாகி மற்றும் அர்ப்பணிப்புள்ள பொது ஊழியராக நாயக் திகழ்ந்தார்.

மேலும், தாழ்த்தப்பட்ட மற்றும் ஒதுக்கப்பட்டவர்களுக்கு அதிகாரம் அளிப்பதில் ஆர்வமிக்கவராக திகழ்ந்தார். இந்த துயர நேரத்தில் தனது குடும்பத்தினருக்கும் ஆதரவாளர்களுக்கும் எனது ஆழ்ந்த இரங்கலை தெரிவித்துக் கொள்கிறேன்” எனத் தெரிவித்துள்ளார்.

இதையும் படிங்க ; பெண்ணின் மார்பகத்தை தொட்ட டெலிவரி பாய்? ஷாக்கிங் வீடியோ!