தி.மு.க வெறுப்பே விஜயின் அரசியல்.. தொல். திருமாவளவன்!

Thol Thirumavalavan: தி.மு.க. வெறுப்பே விஜய்யின் அரசியல் என விமர்சித்துள்ளார் விடுதலை சிறுத்தைகள் கட்சித் தலைவர் தொல். திருமாவளவன்.

தொல். திருமாவளவன், நடிகர் விஜய்

Vijays politics is hatred of DMK says Thol Thirumavalavan MP

BySaranya JK

Published on: September 24, 2025 at 5:33 pm

சென்னை, செப்.24, 2025: தமிழக வெற்றிக் கழகத் தலைவர் நடிகர் விஜய், “தி.மு.க வெறுப்பு அரசியல் செய்கிறார்” என விடுதலை சிறுத்தைகள் கட்சித் தலைவர் தொல். திருமாவளவன் விமர்சித்துள்ளார்.

இது தொடர்பாக பேசிய வி.சி.க எம்.பி தொல். திருமாவளவன், “பேரணி, பொதுக்கூட்டம், மாநாடு என்றாலே இதுபோல கட்டுப்பாடுகள் இருக்கும்தான். ஆனால், விஜய்க்குதான் அவையாவும் புதிதாக இருக்கிறது” என்றார்.
மேலும், “எங்களுக்கு 35 வருடங்களாக இது பழகிவிட்டது. அரசோ, காவல்துறையோ நெருக்கடி தருவதாக நான் நினைக்கவில்லை” என்றார்.

தி.மு.க.வுக்கு எதிரான வெறுப்பு அரசியல்

இதையடுத்து, “தான் செய்யப்போவது என்ன என்பதை விட, திமுக அரசுக்கு எதிரான கருத்துக்களை, வெறுப்பு அரசியலாக முன்வைக்கிறார் விஜய்” என்று குற்றஞ்சாட்டினார்.
தமிழக வெற்றிக் கழகத் தலைவர் விஜய் அண்மையில் நாகப்பட்டினம் மற்றும் திருவாரூரில் பேரணி நடத்தினார். அப்போது, வெளிநாட்டு முதலீடா? வெளிநாட்டில் முதலீடா? என விமர்சித்து பேசினார்.

மேலும், திருவாரூரை கருவாடு ஆக்கிவிட்டார்கள். கடந்த 4 ஆண்டுகளில் எந்தத் திட்டமும் இந்த மாவட்டத்துக்கு வரவில்லை” என்றார். முன்னதாக விஜய் பரப்புரை மேற்கொள்ளும் இடங்களில் தி.மு.க. சார்பில் திருவாரூரில் தி.மு.க.வின் 4 ஆண்டு சாதனைகள் என நோட்டீஸ் ஓட்டப்பட்டிருந்தது.
இதற்கிடையில், தி.மு.க. அரசு தமிழக வெற்றிக் கழக பேரணிக்கு கடும் இடையூறுகள் விதிப்பதாகவும், இதேபோன்ற இடையூரை பிரதமர், மத்திய அமைச்சர்கள் மற்றும் ஆர்.எஸ்.எஸ் தலைவர்களுக்கு செய்ய முடியுமா? என்றும் விஜய் கேள்வியெழுப்பினார் என்பது குறிப்பிடத்தக்கது.

இதையும் படிங்க : தொண்டர் உழைப்பு சுரண்டல்.. வாரிசு அரசியலுக்கு ரோல்மாடல் தி.மு.க.. எடப்பாடி பழனிசாமி அதிரடி பேச்சு