திருநெல்வேலி- திருச்செந்தூர் பயணிகள் ரயில் ரத்து: தென்னக ரயில்வே அறிவிப்பு

Tiruchendur-Tirunelveli Train | Southern Railway | திருநெல்வேலி சந்திப்பில் யார்டு சீரமைப்புப் பணிகள் நடைபெறுவதால் திருச்செந்தூர் – திருநெல்வேலி இடையே பயணிகள் ரயில் சேவை 25 நாட்களுக்கு நிறுத்தப்படும் என அறிவிக்கப்பட்டுள்ளது.

இந்த ரத்து செப்டம்பர் மாதம் 9ஆம் தேதி தொடங்கி, அக். 3ஆம் தேதிவரை அமலில் இருக்கும். பொதுவாக, இந்த ரயில் திருச்செந்தூரில் இருந்து காலை 8:30 மணிக்கு புறப்பட்டு, 10:00 மணிக்கு திருநெல்வேலி சந்திப்புக்கு வரும்.

பின்னர், அங்கிருந்து மாலை 4:30 மணிக்குத் திரும்பி மாலையில் திருச்செந்தூர் சென்றடையும். மறுசீரமைப்பு காலத்தில், இந்த இரண்டு ரயில்களும் நிறுத்தப்பட உள்ளது.

இந்த ரயில்கள் இந்த வழித்தடத்தில் இயக்கப்படுவதால், இந்த ரயில் சேவை தவிர, சென்னை செல்லும் திருச்செந்தூர் எக்ஸ்பிரஸ் மற்றும் கேரளாவின் பாலக்காடு செல்லும் பாலருவி எக்ஸ்பிரஸ் ஆகியவையும் பாதிக்கப்படும்.

இதற்கிடையில், திருச்செந்தூர் – திருநெல்வேலி வழித்தடத்தில் வெவ்வேறு நேரங்களில் இயக்கப்படும் மற்ற ரயில்கள் திட்டமிட்டபடி இயக்கப்படும் என்று தெற்கு ரயில்வே தெரிவித்துள்ளது.

இதையும் படிங்க:பட்ஜெட் விலையில் கேமிங் ஸ்மார்ட்போன்: ரியல்மீ 13+ 5ஜி எப்படி இருக்கு?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்