விஜய் வெல்வாரா என்பதை சொல்ல முடியாது.. கார்த்தி ப சிதம்பரம்!

Karthi P Chidambaram: நடிகர் விஜய் அரசியலில் வெல்வாரா என்பதை சொல்ல முடியாது எனத் தெரிவித்துள்ளார் காங்கிரஸ் எம்.பி கார்த்தி ப. சிதம்பரம்.

த.வெ.க தலைவர் விஜய், காங்கிரஸ் எம்.பி கார்த்தி ப. சிதம்பரம்

Karthi P Chidambaram says it is impossible to say whether Vijay will win

BySaranya JK

Published on: September 15, 2025 at 10:33 pm

Updated on: September 15, 2025 at 10:34 pm

சென்னை, செப்.15, 2025: சிவகங்கை பாராளுமன்ற தொகுதி உறுப்பினரும், காங்கிரஸ் கட்சியின் மூத்தத் தலைவருமான கார்த்தி ப. சிதம்பரம் நடிகர் விஜய்யின் அரசியல் பிரவேஷம் குறித்து பேசினார். அப்போது அவர் வெல்வாரா? என்பதை சொல்ல முடியாது என்றார்.

இது குறித்து மேலும் பேசிய கார்த்தி ப. சிதம்பரம், “அரசியலைபொருத்தமட்டில் விஜய் வெல்வாரா? என்பதை சொல்ல முடியாது; தமிழ்நாட்டில் அவருக்கு ஆதரவு இருக்கிறது. இன்னும் சொல்லப் போனால் நடிகர் விஜயின் தமிழக வெற்றிக் கழகம் கட்சிக்கு ஓர் எனர்ஜி இருக்கிறது. இதை நான் ஏற்றுக் கொள்கிறேன். ஆனால் இதெல்லாம் அப்படியே வாக்குகளாக மாறுமா? என்பது தெரியாது. அவர் வெல்வாரா என்பதை உறுதியாக சொல்ல முடியாது” என்றார்.

தமிழ்நாட்டில் காங்கிரஸ் கட்சியை பொருத்தவரை அது தி.மு.க. கூட்டணியில் அங்கம் வகிக்கிறது. எனினும், கட்சியில் சில குரல்கள் காங்கிரஸ் கட்சி இம்முறை ஆட்சியில் பங்கு கேட்க வேண்டும் என்றும் நடிகர் விஜய்யை ஆதரிக்கலாம் என்றும் தொடர்ந்து ஒலிக்கின்றன.

இதற்கிடையில் கட்சியின் மூத்த எம்.பி.யான கார்த்தி ப.சிதம்பரம் இவ்வாறு கூறியுள்ளார். நடிகர் விஜய் திருச்சியில் அண்மையில் நடத்திய மாநாடு பெரும் வரவேற்பை பெற்றது என்பது நினைவு கூரத்தக்கது.

இதையும் படிங்க : ரேபிஸ் தடுப்பூசி போட்டும் ஆட்டோ டிரைவர் மரணம்.. வருமான வாய்ப்பின்றி தவிக்கும் குடும்பம்!