சென்செக்ஸ் 1000 புள்ளிகள் வீழ்ச்சி: நிஃப்டி 300 காலி.. என்ன காரணம்?

Sensex drops 1,000 points: இந்தியப் பங்குச் சந்தைகள் இன்று (ஏப்.25 2025) சரிவுடன் வர்த்தகத்தை தொடர்ந்து வருகின்றன. சென்செக்ஸ் 1,000 புள்ளிகள் வீழ்ச்சி கண்டது. இது முதலீட்டாளர்கள் மத்தியில் பெரும் அதிர்ச்சியை ஏற்படுத்தியுள்ளது.

இந்தியப் பங்குச் சந்தைகள் சரிவு

BySaranya JK

Published on: April 25, 2025 at 12:41 pm

Updated on: April 25, 2025 at 12:43 pm

மும்பை, ஏப்.25 2025: இந்திய பங்குச் சந்தைகள் வாரத்தின் நிறைவு நாளான இன்று (வெள்ளிக்கிழமை) கொந்தளிப்பான வர்த்தக அமர்வைக் கண்டன. சர்வதேச அளவில் சாதகமான அறிகுறிகள் இருந்தபோதிலும், இந்திய பங்குச் சந்தைகள் கடுமையான சரிவை சந்தித்தன. சென்செக்ஸை 1,000 புள்ளிகளுக்கு மேல் சரிவுக்கு சென்றது. பரந்த குறியீடுகள் கடுமையான இழப்புகளைச் சந்தித்து வருகின்றன.

முதல்கட்டமாக, மும்பை பங்குச் சந்தையின் சென்செக்ஸ் 79,830 புள்ளிகளில் வர்த்தகம் தொடங்கியது. இது முந்தைய முடிவான 79,801 புள்ளிகளிலிருந்து சற்று உயர்ந்தது. எனினும், காலை 11.30 மணிக்கு 1,004 புள்ளிகள் வரை சரிந்து 78,797.39 புள்ளிகளில் வர்த்தகம் தொடங்கியது. தேசிய பங்குச் சந்தையின் நிஃப்டி-50 குறியீட்டெண் 24,289 புள்ளிகளில் தொடங்கி, காலை 11.30 மணிக்கு 338 புள்ளிகள் சரிந்து 23,908 புள்ளிகளாகக் குறைந்தது.

அதானி போர்ட்ஸ், பஜாஜ் ஃபைனான்ஸ், பஜாஜ் ஃபின்சர்வ், டாடா மோட்டார்ஸ், டெக் மஹிந்திரா மற்றும் எடர்னல் ஆகியவையும் முக்கிய பின்தங்கிய நிறுவனங்களாகும். இதற்கிடையில், ஜம்மு காஷ்மீரில் செவ்வாய்க்கிழமை (ஏப்.25 2025) பயங்கரவாத தாக்குதலுக்கு மத்தியில் அதிகரித்து வரும் புவிசார் அரசியல் பதட்டங்கள் குறித்த கவலைகள் சந்தை உணர்வைப் பாதித்துள்ளதாக நிபுணர்கள் தெரிவித்தனர்.

இதையும் படிங்க : ஃபிக்ஸட் டெபாசிட்டுக்கு வட்டியை வாரி வழங்கும் வங்கிகள்; எந்த வங்கியில் பெஸ்ட் ரிட்டன்?