அண்ணாமலை லண்டன் பயணம்: வீடியோ வெளியிட்டு கலாய்த்த செல்லூர் ராஜூ

Sellur Raju Twitter post | தமிழ்நாடு பா.ஜ.க மாநிலத் தலைவர் கு. அண்ணாமலையின் வெளிநாட்டுப் பயணத்தை கிண்டலடிக்கும் வகையில் முன்னாள் அமைச்சர் செல்லூர் ராஜூ வீடியோ ஒன்றை பகிர்ந்துள்ளார்.
தமிழ்நாடு பாரதிய ஜனதா மாநிலத் தலைவர் கு. அண்ணாமலை, சர்வதேச அரசியல் படிப்புக்காக லண்டன் புறப்பட்டு சென்றுள்ளார்.

இந்த நிலையில் அ.தி.மு.க மூத்தத் தலைவரும், முன்னாள் அமைச்சருமான செல்லூர் ராஜூ ட்விட்டர் எக்ஸ் தளத்தில், “பள்ளிக் கூடத்தில் ஆடுகள் இருப்பது போன்ற புகைப்படத்தை பகிர்ந்துள்ளார்.
அதில், “தமிழக பாஜகத் தலைவர் திரு அண்ணாமலை மேற்படிப்புக்காக லண்டன் சென்றதை ஒரு குறும்புக்கார் ஊடகத்தில் இப்படி போட்டு இருக்கார் நான் பார்தேன் நீங்களு பார்ப்பதற்காக !!!” எனத் தெரிவித்துள்ளார்.

இந்த வீடியோ தற்போது வைரலாகிவருகிறது. அண்ணாமலை விவசாயின் மகன், கஷ்டப்பட்டு ஐ.பி.எஸ் தேர்ச்சி பெற்றேன். இளமைக் காலத்தில் ஆடு மேய்த்துள்ளேன்” என பேட்டிகளில் கூறுவார்.
இந்த நிலையில் செல்லூர் ராஜூ இந்தப் வீடியோவை பகிர்ந்துள்ளார். அண்ணாமலை லண்டன் செல்வதற்கு முன்னதாக, எடப்பாடி பழனிசாமி மற்றும் அண்ணாமலை இடையே வார்த்தை மோதல் முற்றிக் காணப்பட்டது நினைவு கூரத்தக்கது.

இதையும் படிங்க லண்டன் புறப்பட்டார் அண்ணாமலை: தமிழக பா.ஜ.க.வில் அடுத்து என்ன?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்