மைசூரு- செங்கோட்டை சிறப்பு ரயில்; தேதி, நேரம் செக் பண்ணுங்க!

செங்கோட்டை-மைசூரு இடையே, தென்காசி, பெங்களுரு வழியாக முதல் முறையாக சிறப்பு ரெயில் சேவையை தென்னக ரயில்வே அறிவித்துள்ளது.
இந்த ரெயில் செப்டம்பர் 4 மற்றும் 7 தேதிகளில் மைசூருவிலிருந்து செங்கோட்டைக்கு (வண்டி எண்: 06241) இரவு 9.20 மணிக்கு புறப்படும்.

மறுநாள் மாலை 4.50 மணிக்கு செங்கோட்டையில் வரும். மீண்டும் செங்கோட்டையிலிருந்து மைசூருக்கு (வண்டி எண்: 06242) செப்டம்பர் 5 மற்றும் 8 தேதிகளில் இரவு 7.45 மணிக்கு புறப்பட்டு, மைசூருவை மறுநாள் பிற்பகல் 2.20 மணிக்கு அடையும்.
செங்கோட்டை-மைசூரு ரெயில் சேவை: தென்காசி மாவட்ட ரெயில் பயணிகள் சங்கத்தின் கோரிக்கையை கருத்தில் கொண்டு, செங்கோட்டை மற்றும் மைசூரு இடையே, புதிய சிறப்பு ரெயில் சேவை தொடங்கப்பட உள்ளது.

இதற்கான முன்பதிவு தற்போது தொடங்கியுள்ளதால், பயணிகள் முன்பதிவு செய்து கொள்ளலாம். இந்த ரயில், தென்காசி, விருதுநகர், திருச்சி, சேலம் வழியாக செல்லும்.
மைசூருவிலிருந்து இரவு 9.20 மணிக்கு புறப்பட்டு, மறுநாள் மாலை 4.50 மணிக்கு செங்கோட்டையில் வந்து சேரும் என்பது குறிப்பிடத்தக்கது.

வாட்ஸ்அப்பில் தொடர https://tinyurl.com/5fraa2jz