மீண்டும் வலுப்பெறும் இந்திய- கனடா உறவு; மோடியை டெலிபோனில் தொடர்புக்கொண்ட பிரதமர்!

Prime Minister Mark J Carney: பிரதமர் நரேந்திர மோடிக்கு கனடா பிரதமர் மார்க் கார்னி இன்று (வெள்ளிக்கிழமை) டெலிபோனில் தொடர்புக்கொண்டு பேசினார்.

கனடா பிரதமர் மார்க் கார்னி, பிரதமர் நரேந்திர மோடி

PM Narendra Modi says Glad to receive a call from canada Prime Minister Mark J Carney

BySaranya JK

Published on: June 6, 2025 at 9:28 pm

ஒட்டவா, ஜூன் 6 2025: பிரதமர் நரேந்திர மோடியை டெலிபோனில் தொடர்புக் கொண்டு கனடா பிரதமர் மார்க் கார்னி இன்று (வெள்ளிக்கிழமை) பேசினார். இது இந்தியா மற்றும் கனடா இடையேயான உறவுகள் மீண்டும் புத்துயிர் பெற்று வலுப்பெறுவதை குறிக்கிறது. முன்னதாக காலிஸ்தான் பிரிவினைவாதி மரணத்துக்கு பின்னர் இந்திய- கனடா உறவுகளில் சிக்கல் ஏற்பட்டது. இந்நிலையில், கனடாவில் ஆட்சி மாற்றம் ஏற்பட்டது.

பிரதமராக மார்க் கார்னி தேர்வு செய்யப்பட்டார். இதைத் தொடர்ந்து இந்திய- கனடா உறவுகள் மீண்டும் துளிர்க்க தொடங்கியுள்ளன.

ஜி7 மாநாட்டுக்கு அழைப்பு

இந்த நிலையில், ஜி7 உச்சிமாநாட்டின் வெளிநடவடிக்கை அமர்வில் கலந்து கொள்ள மோடிக்கு அழைப்பு விடுக்கப்பட்டது. இதற்கிடையில், பிரதமர் நரேந்திர மோடி இந்த மாநாட்டில் கலந்துகொள்வார் எனவும் தகவல்கள் கூறுகின்றன.

பிரதமர் நரேந்திர மோடி ட்வீட்

Glad to receive a call from Prime Minister @MarkJCarney of Canada. Congratulated him on his recent election victory and thanked him for the invitation to the G7 Summit in Kananaskis later this month. As vibrant democracies bound by deep people-to-people ties, India and Canada…
— Narendra Modi (@narendramodi) June 6, 2025

இந்த நிலையில் பிரதமர் நரேந்திர மோடி தனது ட்விட்டர் எக்ஸ் தளத்தில், கனடா பிரதமரிடம் இருந்து அழைப்பு வந்ததில் மகிழ்ச்சி. அவரது சமீபத்திய தேர்தல் வெற்றிக்கு வாழ்த்தினேன். மேலும், இந்த மாத இறுதியில் கனனாஸ்கிஸில் நடைபெறும் G7 உச்சி மாநாட்டிற்கு அழைக்கப்பட்டதற்கு நன்றி தெரிவித்தேன்.
மக்களுக்கு இடையேயான உறவுகளால் பிணைக்கப்பட்ட துடிப்பான ஜனநாயக நாடுகளாக, இந்தியாவும் கனடாவும் பரஸ்பர மரியாதையால் வழிநடத்தப்படுகின்றன. உச்சி மாநாட்டில் சந்திக்கலாம்” எனத் தெரிவித்துள்ளார்.

இதையும் படிங்க: பாகிஸ்தான் பொய் பரப்புரைகள்; சவுதியில் தோலுரித்த ஓவைசி!