சிரியா : துப்பாக்கி சண்டையில் பாதுகாப்பு படையினர் 14 பேர் பலி

Syria Gunfight | சிரியாவில் நடந்த துப்பாக்கி சண்டையில் பாதுகாப்பு படையினர் 14 பேர் கொல்லப்பட்டனர் மேலும், 10 பேர் காயமடைந்தனர்.

ByDravidan Times Bureau

Published on: December 26, 2024 at 1:46 pm

Updated on: December 28, 2024 at 7:49 am

சிரியாவில் துப்பாக்கி சண்டை | சிரியாவில் அதிபர் பஷிர் அல் அசாத் தலைமையிலான அரசு இரண்டு வாரங்களுக்கு முன்பு கவிழ்ந்தது. தொடர்ந்து, அபு முகமது அல் ஜவ்லானி தலைமையிலான ஹயத் தஹிர் அல் ஷம் என்ற கிளர்ச்சிக்குழு சிரியாவில் ஆட்சியை கைப்பற்றியது. அதிபராக இருந்த பஷிர் அல் அசாத் ரஷியா தப்பிச்சென்றார்.

இந்நிலையில், சிரியாவின் தலைநகர் டமாஸ்கஸுக்கு அருகாமையில் உள்ள பிரபல சைட்னயா சிறைச்சாலையில் முன்னாள் ஆட்சி அதிகாரியான முகமது கன்ஜோ ஹசனை கைது செய்ய ராணுவ நடவடிக்கைத் துறையின் கீழ் பாதுகாப்புப்படையின் ரோந்து குழு முயன்றுள்ளது.

அப்போது ஜனாதிபதி பஷர் அல்-அசாத்திற்கு விசுவாசமான படையினர் பாதுகாப்புப்படையினரை நோக்கி துப்பாக்கி சூடு நடத்தினர். பாதுகாப்புப்படையினரும் பதில் தாக்குதல் நடத்தினர். இதில், 14 உள்துறை அமைச்சக அதிகாரிகள் கொல்லப்பட்டனர் மேலும், 10 பேர் காயமடைந்தனர். மேலும் 3 போராளிகள் கொல்லப்பட்டதாகவும், இங்கிலாந்தை தளமாகக் கொண்ட மனித உரிமைகளுக்கான சிரிய கண்காணிப்பகம் (SOHR)தெரிவித்துள்ளது. இதையடுத்து அப்பகுதியில் பாதுகாப்பு பலப்படுத்தப்பட்டுள்ளது.

இதையும் படிங்க