ரயில் டிக்கெட் ஈஸியாக புக் பண்ணலாம்.. IRCTC பீட்டா அறிமுகம்!

IRCTC : எளிதாக ரயில் டிக்கெட் முன்பதிவு செய்வதற்காக புதிய ஐ.ஆர்.சி.டி.சி (IRCTC) பீட்டா இணையதளம் அறிமுகப்படுத்தப்பட்டு உள்ளது.

ஐ.ஆர்.சி.டி.சி பீட்டா புதிய இணையதளம்

ByPushpa Gopinath

Published on: July 16, 2026 at 1:07 pm

புதுடெல்லி, ஜூலை 16, 2026: இந்திய ரயில்வே கேட்டரிங் மற்றும் சுற்றுலா கழகம் (IRCTC) தனது இணையதளத்தின் புதிய ‘பீட்டா’ பதிப்பை அறிமுகப்படுத்தியுள்ளது. ரயில் டிக்கெட் முன்பதிவை எளிமையாகவும் பயனர்களுக்கு ஏற்ற வகையிலும் மாற்றும் நோக்கில் ரயில்வே அமைச்சகம் இந்த முயற்சியை மேற்கொண்டுள்ளது.

இந்த புதிய பீட்டா பதிப்பில் நான்கு முக்கிய மேம்பாடுகள் செய்யப்பட்டுள்ளன. முதலில், தேவையற்ற ‘கேப்ட்சா’ குறியீடுகள், பாப்-அப் விளம்பரங்கள், மின்னும் கிராபிக்ஸ் போன்ற கவனச் சிதறலை ஏற்படுத்தும் அம்சங்கள் நீக்கப்பட்டுள்ளன.

இரண்டாவதாக, பயணிகள் அனைத்து வகுப்புப் பெட்டிகளிலும் இருக்கை இருப்பை ஒரே நேரத்தில் பார்க்க முடியும். மூன்றாவதாக, முன்பதிவு செயல்முறை விரைவாக நடைபெறுவதால், டிக்கெட் முன்பதிவு செய்யத் தேவைப்படும் படிகள் குறைக்கப்பட்டுள்ளன. இறுதியாக, பயணிகளின் விவரங்களை இணையதளம் சேமித்து வைப்பதால், மீண்டும் முன்பதிவு செய்வது எளிதாகிறது.

புதிய பீட்டா பதிப்பை https://www.irctc.co.in/eticket/ என்ற முகவரியில் அணுகலாம். தற்போதைய இணையதளத்தின் முகப்புப் பக்கத்திலும் இதற்கான இணைப்பு வழங்கப்பட்டுள்ளது. பயனர்கள் தங்கள் கருத்துக்களைத் தெரிவிக்குமாறு அமைச்சகம் கேட்டுக்கொண்டுள்ளது.

IRCTC இணையதளம் முதன்முதலில் 2002-ஆம் ஆண்டில் தொடங்கப்பட்டது. தற்போது இது நாளொன்றுக்கு சராசரியாக 14.5 லட்சம் டிக்கெட் முன்பதிவுகளை கையாள்கிறது. பல்வேறு புகார்கள் எழுந்துள்ள நிலையில், வாடிக்கையாளர் திருப்தியை மேம்படுத்தும் வகையில் எதிர்காலப் பதிப்புகளில் கூடுதல் மேம்பாடுகளைச் சேர்க்க பயனர்களின் கருத்துக்களை இந்த பீட்டா பதிப்பு வழிவகுக்கும்.

இதையும் படிங்க : ரயில் விபத்தில் யானைகளை பாதுகாக்க ஏ.ஐ தொழில்நுட்பம்.. இந்திய ரயில்வே அறிமுகம்