தமிழ்நாட்டில் ஆட்சியில் பங்கு என்பது காங்கிரஸின் விருப்பம்.. விஜய் வசந்த் எம்.பி

Vijay vasanth MP: தமிழ்நாட்டில் ஆட்சியில் பங்கு என்பது காங்கிரஸின் விருப்பம் ஆகும் என காங்கிரஸ் எம்.பி விஜய் வசந்த் எம்.பி கூறியுள்ளார்.

கன்னியாகுமரி மக்களவை எம்.பி விஜய் வசந்த்

BySaranya JK

Published on: October 11, 2025 at 5:27 pm

சென்னை, அக்.11, 2025: “தமிழ்நாட்டில் ஆட்சி மற்றும் அதிகாரத்தில் பங்கு என்பது அனைத்து காங்கிரஸாரின் விருப்பம் ஆகும். வரும் தேர்தலில் அதிக சீட்டுகளை வாங்குவதில் காங்கிரஸ் உறுதியாக உள்ளது” என்று கன்னியாகுமரி மக்களவை தொகுதி எம்.பி விஜய் வசந்த் கூறியுள்ளார்.

2026 சட்டமன்ற தேர்தல்

தமிழ்நாட்டில் 2026ல் சட்டமன்ற தேர்தல் நடைபெறுகிறது. இந்தத் தேர்தலில் இழந்த ஆட்சியை பிடிக்க அ.தி.மு.க முனைப்பு காட்டி வரும் நிலையில், ஆட்சியை இழக்க கூடாது என்பதில் தி.மு.க.வும் உறுதியாக உள்ளது.
இந்த நிலையில், அ.தி.மு.க. தனது கூட்டணியில் புதிய கட்சிகளை இணைத்து வருகிறது. அதேசமயம் தி.மு.க. தனது கூட்டணியில் அங்கம் வகிக்கும் கட்சிகளை இறுக பற்றி வருகிறது.

தி.மு.க கூட்டணியை பொறுத்தமட்டில் காங்கிரஸ் பிரதான கட்சியாக உள்ளது. இது தவிர இடதுசாரிகள் (இந்திய மற்றும் மார்க்சிஸ்ட்), கொ.ம.மு.க, தமிழக வாழ்வுரிமை கட்சி, இந்திய யூனியன் முஸ்லிம் லிக், விடுதலை சிறுத்தைகள் கட்சி உள்ளிட்ட பல்வேறு கட்சிகள் உள்ளன.

விஜய் முழக்கம்

நடிகர் விஜய் தமிழக வெற்றிக் கழகம் என்ற கட்சியை தொடங்கி நடத்திவருகிறார். இவர் தனது கூட்டணியில் வரும் கட்சிக்கு ஆட்சி மற்றும் அதிகாரத்தில் பங்கு வழங்கப்படும் எனத் தெரிவித்துள்ளார்.
இந்த நிலையில், காங்கிரஸ் கட்சிக்குள் சில சலசலப்புகள் ஏற்பட்டுள்ளதாக கூறப்படுகிறது. இதற்கிடையில், காங்கிரஸ் கட்சியின் எம்.பி.யான விஜய வசந்தின் பேச்சு அரசியல் வட்டாரத்தில் கவனம் ஈர்த்து வருகிறது.

இதையும் படிங்க : உதயநிதி காலில் விழுந்த தி.மு.க மூத்த எம்.எல்.ஏ.. திண்டுக்கல்லில் என்ன நடந்தது?