‘அபாயமான எதிர்காலத்தை நோக்கி பயணிக்கும் தமிழகம்’.. விஜய் கண்டனம்!

TVK Vijay: இது யாருக்கான ஆட்சி என கேள்வி எழுப்பி உள்ள தமிழக வெற்றி கழக தலைவர் விஜய்; தமிழகம் ஆபத்தான எதிர்காலத்தை நோக்கி பயணிக்கிறது என்பதையும் சுட்டிக்காட்டி உள்ளார்.

தமிழக வெற்றி கழக தலைவர் விஜய்

BySaranya JK

Published on: December 30, 2025 at 11:34 pm

சென்னை, டிச. 30, 2025: சென்னை அருகே திருத்தணியில் உள்ளூர் ரயிலில் மகாராஷ்டிரா மாநிலத்தைச் சேர்ந்த சூரஜ் என்ற 34 வயதான வட மாநில இளைஞர், நான்கு இளம் சிறார்களால் கொடூரமான தாக்குதலுக்கு உள்ளாக்கப்பட்ட காட்சிகள் சமூக வலைதளத்தில் வெளியாகி பெரும் பரபரப்பை ஏற்படுத்தி இருந்தன.
ரீல்ஸ் மோகத்தில் இருந்த அந்த நான்கு இளஞ்சிரார்களும், வட மாநில இளைஞர் சூரஜ் கத்தியால் கொடூரமாக தாக்குகின்றனர். தற்போது சூரஜ் மருத்துவமனையில் சிகிச்சை பெற்று வருகிறார்.

இந்த விவகாரத்தில் தாக்குதலில் ஈடுபட்ட நான்கு இளம் சிறார்களும் கைது செய்யப்பட்டனர்; அதில் ஒருவருக்கு நீதிமன்ற ஜாமீன் கிடைத்துள்ள நிலையில் மீதமுள்ள மூன்று சிறார்களும் காப்பகத்தில் அடைக்கப்பட்டுள்ளனர்.
இந்த சம்பவத்தை குறிப்பிட்டு தமிழக வெற்றி கழக தலைவர் விஜய், ” இது யாருக்கான ஆட்சி?” என கேள்வி எழுப்பி உள்ளார்.

இது தொடர்பாக தமிழக வெற்றி கழக தலைவர் விஜய் மேலும், ” திராவிட முன்னேற்ற கழக ஆட்சியின் அவலத்தை இந்த சம்பவம் கண்முன்னே காட்டுகிறது; இதனை காணும் போது தமிழ்நாடு எத்தகைய அபாயகரமான எதிர்காலத்தை நோக்கி பயணிக்கிறது என்ற அச்சம் ஏற்பட்டுள்ளது” என தெரிவித்துள்ளார்.

மேலும், ” இளைஞர்கள் தவறான பாதையில் செல்வதை இந்த அரசு தடுக்கவில்லை; இதனால் இளைஞர்களின் எதிர்காலம் சீரழிகிறது. இளைஞர்கள் தவறான பாதையில் பயணிப்பதை முன்கூட்டியே கண்டறிந்து அதனை தடுக்க வேண்டும்” என குறிப்பிட்டுள்ளார்.

மேலும் இது யாருக்கான ஆட்சி எனவும் தமிழக வெற்றி கழகத் தலைவர் விஜய் கேள்வி எழுப்பி உள்ளார்.

இதையும் படிங்க; ‘உளவு வேலை’.. சொந்தக் கட்சி நிர்வாகியை சாடிய செல்வ பெருந்தகை!