இனியும் இப்படி கட்டுப்பாடுகள் விதித்தால்.. விஜய் சொன்ன அந்த வார்த்தை!

Vijay Nagapattinam campaign speech: “இனியும் இப்படி கடும் கட்டுப்பாடுகள் விதித்தால் மக்களிடமே அனுமதி கேட்டு விடுவேன்” என தமிழக வெற்றிக் கழகத் தலைவர் விஜய் கூறினார்.

த.வெ.க தலைவர் விஜய்

BySaranya JK

Published on: September 20, 2025 at 3:47 pm

நாகப்பட்டினம், செப்.20, 2025: நடிகர் விஜய் தமிழக வெற்றிக்கழகம் என்ற கட்சியை தொடங்கி நடத்தி வருகிறார். இந்த கட்சி வருகிற 2026 தமிழக சட்டமன்ற தேர்தலில் போட்டியிடுகிறது.
இந்த நிலையில் கட்சியை பலப்படுத்தும் நோக்கிலும், ரசிகர்களை சந்திக்கும் நோக்கிலும் வாரத்தின் இறுதி நாட்களில் விஜய் பயணம் மேற்கொள்கிறார்.

அதன்படி இன்று மதியம் நாகப்பட்டினத்தில் தனது பரப்புரையை நடிகர் விஜய் தொடங்கினார். பேரறிஞர் அண்ணா சிலை அருகில் இருந்து இந்த பேரணி தொடங்கியது.
முன்னதாக நடிகர் விஜயை காண அங்கு ரசிகர்கள் குவிந்த வண்ணம் காணப்பட்டனர். இதனால் நடிகர் விஜயின் வாகனத்தால் குறிப்பிட்ட நேரத்திற்கு அப்பகுதிக்கு சென்றடைய முடியவில்லை.

இந்த நிலையில் ரசிகர்கள் வெள்ளத்தில் பேசிய நடிகர் விஜய், ” நான் உங்களை சந்திக்க வரக்கூடாதா? என கேள்வி எழுப்பினார்.
தொடர்ந்து பேசிய நடிகர் விஜய் சொல்லுங்கள் மக்களே நான் உங்களை சந்திக்க வர கூடாதா? உங்களுடன் பேசக்கூடாதா? உங்களுக்காக குரல் கொடுக்கக் கூடாதா? என்று கேள்வி எழுப்பினார்.

சிஎம் சார்.. !

தொடர்ந்து பேசிய நடிகர் விஜய் எங்களின் போர் முழக்கம் உங்களை ஒரு நிமிடம் கூட தூங்க விடாது சிஎம் சார்.. ! துரத்திக் கொண்டே இருக்கும்.” என்றார்.
முன்னதாக தனது கூட்டங்களுக்கு தொடர்ந்து அதீத கெடுபிடிகள் விதித்தால் நான் மக்களிடமே அனுமதி கேட்டு கொள்வேன் என்றும் நடிகர் விஜய் பேசினார்.

நடிகர் விஜய் மதுரை மாநாட்டில் முதலமைச்சர் மு க ஸ்டாலினை அங்கிள் என விமர்சித்திருந்தார். இதற்கு திமுகவினர் கடுமையான எதிர்வினையாற்றி இருந்தனர். இந்த நிலையில் நடிகர் விஜய் தற்போது சிஎம் சார் என குறிப்பிட்டுள்ளார் என்பது குறிப்பிடத்தக்கது.

இதையும் படிங்க : விஜய் வீட்டில் வெடிகுண்டு.. ?மோப்ப நாயுடன் போலீசார் சோதனை!