விமானப்படை சாகச நிகழ்ச்சி; அடிப்படை வசதிகள் கூட இல்லாத அலட்சியம்: டி.டி.வி கண்டனம்!

TTV Dhinakaran | அ.ம.மு.க. பொதுச்செயலாளர் டி.டி.வி தினகரன் விடுத்துள்ள அறிக்கையில், “விமானப்படையின் சாகச நிகழ்ச்சியை பார்வையிடச் சென்றவர்களில் 5 பேர் உயிரிழப்பு – குடிநீர் உள்ளிட்ட அடிப்படை வசதிகளை கூட செய்து தராமல் லட்சக்கணக்கான பொதுமக்களை இன்னல்களுக்குள்ளாக்கிய தமிழக அரசின் அலட்சியப் போக்கு கடும் கண்டனத்திற்குரியது.

சென்னை மெரினா கடற்கரையில் நடைபெற்ற இந்திய விமானப்படையின் சாகச நிகழ்ச்சியை பார்க்கச் சென்ற பார்வையாளர்களில் கூட்ட நெரிசலில் சிக்கி 5 பேர் உயிரிழந்திருப்பதாகவும், 200க்கும் அதிகமானோர் மருத்துவமனையில் சிகிச்சைக்காக அனுமதிக்கப்பட்டிருக்கதாகவும் வெளியாகியிருக்கும் செய்திகள் மிகுந்த வேதனையையும் வருத்தத்தையும் அளிக்கின்றன.

விமானப்படையின் சாகச நிகழ்ச்சியை காண லட்சக்கணக்கான பொதுமக்கள் வருவார்கள் என முன்கூட்டியே தெரிந்திருந்தும் அவர்களுக்கு தேவையான முன்னேற்பாடுகளையோ, நிகழ்ச்சி நிறைவடைந்து திரும்பிச் செல்வதற்கான போதிய போக்குவரத்து வசதிகளையோ செய்து தராத தமிழக அரசு நிர்வாகத்தின் அலட்சியப் போக்கே 5 பேரின் உயிரிழப்புக்கு முக்கிய காரணம் என பொதுமக்கள் குற்றம் சாட்டியுள்ளனர்.

தனியார் நிறுவனத்தின் கார் பந்தயத்திற்கும் பவளவிழா மாநாட்டை நடத்துவதற்கும் அதீத கவனம் செலுத்தி முன்னேற்பாடுகளை முடுக்கிவிடும் திமுக அரசு, லட்சக்கணக்கானோர் கூடிய மெரினா கடற்கரையில் குடிநீர் உள்ளிட்ட அடிப்படை வசதிகளையும் போதிய பாதுகாப்பு ஏற்பாடுகளையும் செய்யத் தவறியது மக்கள் மீதான அக்கறையின்மையையே வெளிப்படுத்துகிறது.

எனவே, நீர்ச்சத்து குறைபாடு, மூச்சுத்திணறல் காரணமாக மருத்துவமனையில் அனுமதிக்கப்பட்டிருக்கும் பொதுமக்களுக்கு உரிய சிகிச்சைகளை வழங்குவதோடு, உயிரிழந்தவர்களின் குடும்பத்தினருக்கு உரிய நிவாரணத்தை வழங்க வேண்டும் என தமிழக அரசை வலியுறுத்துகிறேன்” எனத் தெரிவித்துள்ளார்.

இதையும் படிங்க

• 
  மூக்குத்தி அம்மனாக நயன்தாரா.. காலை 6 மணிக்கே முதல் காட்சி.. முதல்வர் விஜய்க்கு நன்றி!
  Mookuthi Amman 2: ‘மூக்குத்தி அம்மன் 2’ படக்குழு முதலமைச்சர் விஜய்க்கு நன்றி தெரிவித்துள்ளது.
• 
  முரசு புயல் தாக்கம்.. சென்னையைச் சேர்ந்த 9 மீனவர்கள் கடலில் மாயம்!
  Cyclone Murasu: முரசு புயல் தாக்கம் காரணமாக. சென்னையைச் சேர்ந்த 9 மீனவர்கள் கடலில் மாயமாகியுள்ளார்கள்.
• 
  ரூ.100-க்கு 10 வகை காய்கறிகள்.. நவம்பர் 5 முதல் தமிழக அரசு சிறப்புத் திட்டம்!
  10 Vegetables for ₹100 Scheme: ரூ.100-க்கு 10 வகை காய்கறிகள் வழங்கும் தமிழ்நாடு அரசின் திட்டம், நவம்பர் 5 முதல் அமலுக்கு வருகிறது.
• 
  தென்காசி அருகே ரயில் மோதி புலி உயிரிழப்பு.. வனத்துறையினர் விசாரணை!
  Tenkasi Tiger Death: தென்காசி அருகே ரயில் மோதி புலி உயிரிழந்தது தொடர்பாக, வனத்துறையினர் விசாரணை நடத்தி வருகின்றனர்.
• 
  அஜித் குமார் காவல் மரண வழக்கு: 4 போலீஸாரின் மனுக்கள் தள்ளுபடி!
  Ajith Kumar Custodial Death Case: அஜித் குமார் காவல் மரண வழக்கு: 4 போலீஸாரின் மனுக்கள் தள்ளுபடி செய்யப்பட்டுள்ளன; 9 மாதங்களில் விசாரணையை முடிக்க உயர் நீதிமன்றம் உத்தரவு பிறப்பித்துள்ளது.

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்