‘ஒரே நாடு ஒரே தேர்தல் ஒருபோதும் செயல்படுத்த முடியாது’: மு.க ஸ்டாலின்

M K stalin | Tamil Nadu | ஒரே நாடு ஒரே தேர்தலை ஒருபோதும் செயல்படுத்த முடியாது என மு.க ஸ்டாலின் கூறியுள்ளார். இது குறித்து ட்விட்டர் எக்ஸ் தளத்தில், “ஒரே நாடு ஒரே தேர்தல் என்பது இந்தியாவின் பல்வேறுபட்ட தேர்தல் முறையின் சிக்கல்களைப் புறக்கணித்து, கூட்டாட்சித் தன்மையைக் குறைமதிப்பிற்கு உட்படுத்தும் ஒரு நடைமுறைச் சாத்தியமற்ற கருத்தாகும்.

தேர்தல் சுழற்சிகள், பிராந்திய பிரச்சினைகள் மற்றும் நிர்வாக முன்னுரிமைகள் ஆகியவற்றில் உள்ள பரந்த வேறுபாடுகளைக் கருத்தில் கொண்டு, இது தளவாட ரீதியாக சாத்தியமற்றது.

இது ஆட்சியின் இயல்பான போக்கை சீர்குலைக்கும். மேலும் இது பாரதிய ஜனதா கட்சியின் ஈகோவை திருப்திபடுத்தும் நடவடிக்கைதான். ஆனால் அவர்களால் அதை ஒருபோதும் செயல்படுத்த முடியாது.

இந்தியாவின் ஜனநாயகத்தை ஒரு கட்சியின் பேராசைக்கு ஏற்ப வளைக்க முடியாது. இந்த திசைதிருப்பல் தந்திரங்களில் சக்தியை வீணாக்காமல், வேலையில்லா திண்டாட்டம், விலைவாசி உயர்வு மற்றும் மாநிலங்களுக்கு வளங்களை சமமாக விநியோகித்தல் போன்ற அழுத்தமான பிரச்சினைகளை மத்திய அரசு தீர்க்க வேண்டும்” எனத் தெரிவித்துள்ளார்.

இதையும் படிங்க : ‘தமிழ்நாட்டில் பெரியாரை மீறி அரசியல் செய்ய முடியாது’: உதயநிதி ஸ்டாலின்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்