குலத் தொழிலை ஊக்குவிக்கும் விஷ்வகர்மா.. மு.க ஸ்டாலின் குற்றச்சாட்டு!

MK Stalin: மத்திய அரசின் விஸ்வகர்மா திட்டம் குலத் தொழிலை ஊக்குவிக்கும் வகையில் உள்ளதாக தமிழக முதலமைச்சர் மு க ஸ்டாலின் குற்றம் சாட்டியுள்ளார்.

தமிழக முதலமைச்சர் மு க ஸ்டாலின்

Tamil Nadu Chief Minister M K Stalins explanation on Kalaingar kaivinai thittam

BySaranya JK

Published on: April 19, 2025 at 9:49 pm

சென்னை ஏப்ரல் 19 2025: மத்திய அரசின் விஸ்வகர்மா திட்டம் குலத் தொழிலை ஊக்குவிப்பதாக உள்ளதாக குற்றம் சாட்டிய தமிழக முதலமைச்சர் மு க ஸ்டாலின் இந்தத் திட்டத்தை கடுமையாக எதிர்க்க இதுதான் காரணம் எனவும் கூறியுள்ளார்.

தொடர்ந்து தமிழ்நாடு அரசின் கலைஞர் கைவினை திட்டம் குறித்தும் அவர் விளக்கம் அளித்துள்ளார். இது குறித்து பேசிய மு க ஸ்டாலின், ” பாரதிய ஜனதா குடும்ப குலத் தொழிலை ஊக்குவிக்கிறது; இதனால் அவர்கள் வெளி உலகை காணாமல் இருக்க செய்கிறது.

ஆனால் கலைஞர் கைவினை திட்டம் அப்படியல்ல; மத்திய அரசின் விஸ்வகர்மா திட்டத்திற்கு எதிராகத்தான் கலைஞர் கைவினை திட்டம் கொண்டுவரப்பட்டுள்ளது. குல தொழிலை ஊக்குவிப்பதால் தான் நாங்கள் மத்திய அரசு கொண்டுவந்த விஸ்வகர்மா திட்டத்தை கடுமையாக எதிர்த்தோம்” என தெரிவித்துள்ளார்.

#கலைஞர்_கைவினைத்திட்டம் pic.twitter.com/AQOq1KKkqt
— M.K.Stalin (@mkstalin) April 19, 2025

விஸ்வகர்மா VS கலைஞர் கைவினை திட்டம்

முன்னதாக தமிழ்நாடு பாரதிய ஜனதா கட்சியின் முன்னாள் மாநிலத் தலைவர் அண்ணாமலை பேட்டி ஒன்றில், ” மத்திய அரசின் விஸ்வகர்மா திட்டத்தை தான், கலைஞர் கைவினை திட்டம் என மாற்றம் செய்துள்ளனர்.

விஸ்வகர்மா திட்டத்தில் அளிக்கப்படும் அத்தனை உதவிகளும் இதில் உள்ளது. ஆனால் பெயர்தான் வேறு. இவர்கள் போட்டிக்கு போட்டியாக திட்டம் கொண்டுவர விரும்பினால் மத்திய அரசின் முத்ரா திட்டத்திற்கு எதிராக ஒரு திட்டத்தை அறிவிக்கட்டும் பார்க்கலாம்” என்றார்.

இதையும் படிங்க: அதிமுக பாஜக கூட்டணியால் மு.க ஸ்டாலினுக்கு பதட்டம்.. அவுட் ஆஃப் கண்ட்ரோல்.. தமிழிசை விமர்சனம்!