திருமாவளவன் தான் பிரசவம் பார்த்தார்.. சீமான் அதிரடி பேச்சு!

Seeman: ” என்னையும், விஜய்யும் பாரதிய ஜனதா பெற்றெடுத்த போது திருமாவளவன் தான் பிரசவம் பார்த்தார்” என கலகலப்பாக பதில் அளித்துள்ளார் நாம் தமிழர் கட்சியின் தலைமை ஒருங்கிணைப்பாளர் சீமான்.

விஜய், தொல் திருமாவளவன், சீமான்

BySaranya JK

Published on: December 27, 2025 at 3:17 pm

சென்னை டிசம்பர் 27 2025; நாம் தமிழர் கட்சியின் தலைமை ஒருங்கிணைப்பாளர் சீமான் பாரதியாரின் பிறந்தநாள் விழாவில் பேசிய போது, ” பிராமணர்களுக்கு எதிரான தாக்குதல்களை கண்டித்தார்; மேலும் தன்னை பாரதியாரின் பேரன் என்று சொன்ன சீமான், இந்தக் கடப்பாரையைக் கொண்டு திராவிடத்தை உடைப்பேன்” என்றார்.
மேலும் திராவிடம் என்பதும் தமிழர்களுக்கான அடையாளம் இல்லை எனவும் சீமான் கூறினார். தொடர்ந்து நாம் தமிழர் கட்சியின் நிர்வாகிகள் திராவிடம் குறித்து பல்வேறு அறிஞர்களின் கருத்துக்களை பேச, அது சர்ச்சையானது.

திராவிடர் கழகம் மற்றும் திமுக உள்ளிட்ட கட்சியை சேர்ந்த நிர்வாகிகளும் சீமான் மற்றும் ஆர் எஸ் எஸ் க்கு எதிராக பல்வேறு கருத்துக்களை கூறினார்கள். இந்த நிலையில் மேடை ஒன்றில் பேசிய திமுக வின் கூட்டணியை சேர்ந்த தொல் திருமாவளவன்,” தமிழக வெற்றி கழகத் தலைவர் விஜய் மற்றும் நாம் தமிழர் கட்சியின் தலைமை ஒருங்கிணைப்பாளர் சீமானை கடுமையாக சாடினார்; இருவரும் ஆர்.எஸ்.எஸ் பெற்ற குழந்தைகள்; பாரதிய ஜனதா கட்சியின் வாரிசுகள் என பொருள்படும்படி கடுமையாக விமர்சித்தார்.

இந்த நிலையில் இது தொடர்பாக நாம் தமிழர் கட்சியின் தலைமை ஒருங்கிணைப்பாளர் சீமானிடம் பத்திரிகையாளர்கள் கேள்வி எழுப்பினார்கள்.
இதற்கு தனது பாணியிலேயே அதிரடியாக பதிலளித்த சீமான் ” என்னையையும் விஜயையும் பாரதிய ஜனதா பெற்றெடுத்த போது தொல் திருமாவளவன் தான் பிரசவம் பார்த்தார்” என கிண்டலாக கூறினார்.
கடந்த காலங்களில் தொல் திருமாவளவன் சீமான் குறித்து எவ்வளவோ விமர்சனங்களை முன் வைத்துள்ளார். எனினும் இதற்கெல்லாம் நாம் தமிழர் கட்சியோ அல்லது சீமானோ பதில் அளித்தது கிடையாது. ஏன் நாம் தமிழர் மேடைகளில் கூட தொல் திருமாவளவனை விமர்சிக்க கூடாது என சீமான் நேரடியாகவே பேசி உள்ளார்.

இந்த நிலையில் தொல் திருமாவளவனுக்கு சீமான் கொடுத்த பதில் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. தொல் திருமாவளவனின் அரசியல் சார்ந்த விமர்சனத்திற்கு தான் இந்த பதில் எனவும் நாம் தமிழர் கட்சியின் தொண்டர்கள் சமூக வலைதளங்களில் தெரிவித்து வருகின்றனர்.

2026 சட்டமன்ற தேர்தலில் திமுக கூட்டணியில் தொல் திருமாவளவனின் விடுதலை சிறுத்தைகள் கட்சி உள்ளது. வழக்கம் போல் இந்த தேர்தலையும் தனித்தே சந்திப்போம் என நாம் தமிழர் கட்சியினர் கூறி வருகின்றனர் என்பது குறிப்பிடத்தக்கது.

இதையும் படிங்க; பணி நிரந்தரம் கோரி பேரணி.. சென்னையில் தூய்மை பணியாளர்கள் அதிரடி கைது!