அமித் ஷாவை இரகசியமாக சந்தித்த எஸ்.பி. வேலுமணி? தமிழக அரசியலில் பரபரப்பு!

AIADMK SP Velumani met Home Minister Amit Shah: அ.தி.மு.க.வின் மூத்தத் தலைவரும், முன்னாள் அமைச்சருமான எஸ்.பி வேலுமணி, உள்துறை அமைச்சர் அமித் ஷாவை தனியாக சந்தித்துப் பேசினார் எனத் தகவல்கள் வெளியாகியுள்ளன.

அமித் ஷா, வேலுமணி

BySaranya JK

Published on: March 4, 2025 at 4:58 pm

Updated on: March 4, 2025 at 5:01 pm

சென்னை, மார்ச் 4, 2025:மத்திய உள்துறை அமைச்சர் அமித் ஷா உடன், அதிமுக முன்னாள் அமைச்சர் எஸ் பி வேலுமணி சந்தித்து பேசினார் என்ற தகவல் வெளியாகி உள்ளது. இதுகுறித்து வெளியான தகவலில் எஸ் பி வேலுமணி அமித் ஷாவை தனியாக சந்தித்து பேசினார் என கூறப்படுகிறது.

கோவையில் சிவராத்திரி விழாவில் அமித்ஷா கலந்து கொண்ட போது இந்த சந்திப்பு நடந்துள்ளது. இந்தச் சந்திப்பின் போது எஸ்பி வேலுமணி தமிழ்நாட்டின் நிகழ்கால அரசியல் குறித்து பேசி இருக்கலாம் என கூறப்படுகிறது. மேலும் இந்த சந்திப்பு கிட்டத்தட்ட எட்டு நிமிடங்கள் வரை நீடித்ததாக கூறப்படுகிறது. இது தமிழக அரசியல் வட்டாரத்தில் பரபரப்பை ஏற்படுத்தியுள்ளது.

கூட்டணி குறித்து பாஜக நிலைப்பாடு என்ன? அண்ணாமலை பரபரப்பு பேட்டி

இதற்கிடையில், கோயம்புத்தூரில் அண்ணாமலை அளித்துள்ள பேட்டி ஒன்றில், ” கூட்டணி குறித்து தற்போது எதுவும் சொல்ல முடியாது. உள்துறை அமைச்சர் அமித் ஷா இரண்டு நாட்களில் தமிழ்நாடு வருகிறார். அமித்ஷா தமிழ்நாடு வரும்போது அரசியலில் பல்வேறு மாற்றங்கள் நிகழும்” என்றார்.

2026 சட்டப்பேரவைத் தேர்தல்

தமிழ்நாட்டைப் பொருத்தவரை 2026 ஆம் ஆண்டு சட்டப்பேரவைக்கு தேர்தல் நடைபெறுகிறது. இந்த தேர்தலில் வலுவான கூட்டணி அமைக்க எதிர்க்கட்சியான அதிமுக திட்டமிட்டுள்ளது.
மறுபுறம் ஆளுங்கட்சியாக உள்ள திமுக தனது கூட்டணிக் கட்சிகளை தக்கவைக்க பல்வேறு நடவடிக்கைகளை எடுத்து வருகிறது.

முன்னதாக இது தொடர்பாக பேசிய இந்து அறநிலை துறை அமைச்சர் சேகர்பாபு, ” முதலமைச்சர் மு க ஸ்டாலின் அரசியல் ஞானம் மிக்கவர். அவர் கூட்டணியை சிதற விடமாட்டார்” என்றார்.
தற்போதைய நிலவரப்படி திமுக கூட்டணியில் காங்கிரஸ், மார்க்சிஸ்ட் மற்றும் இந்திய கம்யூனிஸ்ட், விடுதலைச் சிறுத்தைகள் கட்சி, இந்திய யூனியன் முஸ்லிம் லீக் மற்றும் மனிதநேய மக்கள் கட்சி உள்ளிட்ட பல்வேறு கட்சிகள் மற்றும் அமைப்புகள் ஆதரவில் உள்ளன என்பது குறிப்பிடத்தக்கது.

இதையும் படிங்க நீங்கள் அடித்த கமிஷன் எவ்வளவு? அண்ணாமலை பரபரப்பு கேள்வி