பீகாரில் ஜனநாயக் தோல்வி.. தமிழ்நாட்டில் தலைவா ஆனார் ராகுல் காந்தி!

Rahul Gandhi: பீகாரில் ‘ஜன் நாயக்’ தோல்விக்குப் பிறகு தமிழ்நாட்டில் ‘தலைவா’ ஆனார் காங்கிரஸ் கட்சியின் தலைவரும், எதிர்க்கட்சித் தலைவருமான ராகுல் காந்தி.

ராகுல் காந்தி

BySaranya JK

Published on: January 14, 2026 at 12:42 pm

சென்னை, ஜன.14, 2026: பீஹாரில் ‘ஜன் நாயக்’ முயற்சி தோல்வியடைந்த நிலையில், காங்கிரஸ் தலைவர் ராகுல் காந்தி தற்போது தமிழ்நாட்டில் ‘தலைவா’ என அழைக்கப்படுகிறார். இந்த ஏ.ஐ வீடியோவை தமிழ்நாடு காங்கிரஸ் ட்விட்டர் சமூக வலைதளத்தில் பகிர்ந்துள்ளது.

பீகார் மாநிலத்தில் காங்கிரஸ் கட்சியின் ‘ஜன் நாயக்’ முயற்சி தோல்வியடைந்த நிலையில், தமிழ்நாடு காங்கிரஸ் அணி, வரவிருக்கும் சட்டப்பேரவைத் தேர்தலை முன்னிட்டு ராகுல் காந்தியை ‘தலைவா’ என முன்னிறுத்தியுள்ளது. இது தொடர்பாக தமிழ்நாடு காங்கிரஸ் வெளியிட்டுள்ள ஏ.ஐ உருவாக்கிய வீடியோவில், ஹெலிகாப்டரில் இறங்கும் ராகுல் காந்தியை ஆதரவாளர்கள் வரவேற்கும் காட்சிகள் இடம்பெற்றுள்ளன. பின்னணியில் வரவேற்கிறோம் தலைவா (Welcome Thalaiva) பாடல் ஒலிக்கிறது.

மேலும், இரண்டு நிமிடங்களுக்கு மேல் நீளமான அந்த வீடியோவில், விவசாயிகள், மூத்த பெண்கள், ஆட்டோ ஓட்டுநர்கள், பள்ளி மாணவர்கள் ஆகியோருடன் ராகுல் காந்தி சந்தித்து உரையாடுவது, பொதுமக்களுடன் செல்ஃபி எடுப்பது போன்ற காட்சிகள் இடம்பெற்றுள்ளன. இதன் மூலம் அவர் பின்தங்கியோரின் ஆதரவாளராகவும், அனைத்து தரப்பினராலும் நேசிக்கப்படும் மக்கள் தலைவர் எனவும் காட்டப்பட்டுள்ளது.

இதையும் படிங்க: ஹிஜாப் அணிந்து ரீல்ஸ் வெளியிட்டதால் மிரட்டல் .. வஹீதா அக்தர்

வீடியோவின் இறுதியில், முன்னாள் காங்கிரஸ் தலைவர் சோனியா காந்தியுடன் ராகுல் காந்தி தோன்றும் காட்சியும், வெள்ளப் பாதிப்புக்குள்ளான மக்களுக்கு உணவுப் பொட்டலங்கள் வழங்கும் காட்சியும் இடம்பெற்றுள்ளது. மேலும், அனைத்து மதத்தினருடனும் நடந்து செல்லும் காட்சிகள், அவரை மக்கள் மையப்படுத்திய தலைவராக சித்தரிக்கின்றன.

இதற்கிடையில், திமுக மூத்த தலைவர் மற்றும் அமைச்சர் ஐ. பெரியசாமி, “திமுக-காங்கிரஸ் கூட்டணி மீண்டும் ஆட்சிக்கு வந்தாலும், கூட்டணி அரசு அமைக்கும் வாய்ப்பு இல்லை. முதலமைச்சர் மு.க. ஸ்டாலின், கூட்டணி கட்சிகளுடன் அதிகாரத்தைப் பகிர்வதற்கு விருப்பமில்லை” எனத் தெரிவித்துள்ளார் என்பது குறிப்பிடத்தக்கது.

இதையும் படிங்க: திருச்சியில் சிறுமி பாலியல் வன்கொடுமை.. மூவர் கைது!