டி.என்.பி.எஸ்.சி சுனில் குமாருக்கு எதிராக வழக்கு: மனுவில் கூறப்பட்டுள்ளது என்ன?

TNPSC Sunil Kumar| தமிழ்நாடு சீருடைப் பணியாளர் தேர்வு வாரியத் தலைவராக சுனில் குமாரின் நியமனத்தை ரத்து செய்யுமாறு சென்னை உயர் நீதிமன்றத்தில் அ.தி.மு.க பொதுநல மனு தாக்கல் செய்துள்ளது.
தமிழக அரசு சமீபத்தில் சுனில் குமாரை தலைவராக நியமித்தது. இதனை எதிர்த்து, அதிமுக வழக்கறிஞர் பிரிவு மாநில செயலாளர் ஐ.எஸ். இன்பதுரை இந்த மனுவை தாக்கல் செய்துள்ளார்.

இந்த மனுவில், நியமனத்திற்கு முறையான விதிகள் பின்பற்றப்படவில்லை எனவும் உச்ச நீதிமன்றத்தின் தீர்ப்புகளை மீறி நியமனம் மேற்கொள்ளப்பட்டது எனவும் தெரிவிக்கப்பட்டு உள்ளது.
மேலும், தமிழ்நாட்டில் 16 டிஜிபி அதிகாரிகள் இருப்பதால், ஓய்வு பெற்ற டிஜிபியை நியமிப்பது, பணியில் உள்ள அதிகாரிகளின் உரிமையை பறிக்கும் செயல் எனவும் கூறப்பட்டுள்ளது.

இதுமட்டுமின்றி, முன்னாள் தலைவராக இருந்த சீமா அகர்வாலைப் அகற்றிய பின்னர், செயற்கை காலியிடத்தை உருவாக்கி சுனில் குமாரை நியமித்ததாகவும் கூறப்பட்டுள்ளது.
மேலும், சுனில் குமாரின் நியமனத்தை ரத்து செய்யவும் மனுவில் கோரப்பட்டுள்ளது. இந்த மனு விரைவில் விசாரணைக்கு எடுத்துக் கொள்ளபட உள்ளது என்றும் கூறப்படுகிறது.

இதையும் படிங்க இந்திய ஹஜ் கமிட்டி உறுப்பினர்: வேளச்சேரி எம்.எல்.ஏ தேர்வு

வாட்ஸ்அப்பில் தொடர https://tinyurl.com/5fraa2jz
ட்விட்டர் https://x.com/DravidanTimes
இன்ஸ்டாகிராம் https://www.instagram.com/dravidantimes/