கும்பமேளாவுக்கு செல்லாத குழு தமிழ்நாட்டிற்கு வந்தது ஏன்? மு க ஸ்டாலின் கேள்வி!

MK Stalin: கும்பமேளா கூட்ட நெரிசலில் பலியானவர்களை பார்க்க செல்லாத பாரதியார் ஜனதா கட்சியின் குழு தமிழ்நாட்டிற்கு வந்தது ஏன் என கேள்வி எழுப்பி உள்ளார் தமிழ்நாட்டின் முதலமைச்சர் மு க ஸ்டாலின்.

ராமநாதபுரத்தில் மு க ஸ்டாலின்

ByPushpa Gopinath

Published on: October 3, 2025 at 3:47 pm

ராமநாதபுரம் அக்டோபர் 3 2025: தமிழக முதலமைச்சர் மு க ஸ்டாலின் அரசு முறை பயணமாக ராமநாதபுரம் சென்றுள்ளார். அங்கு அவர் ரூபாய் 738 கோடி மதிக்கலான திட்டங்களை தொடங்கி வைத்தார். இதில் ரூபாய் 134.45 கோடி மதிப்பிலான 150 புதிய திட்டங்களுக்கும் முதல்வர் அடிக்கல் நாட்டினார். இந்த விழாவில் பேசிய முதலமைச்சர் மு க ஸ்டாலின், ” கும்பமேளாவுக்கு செல்லாத பாஜக குழு கரூருக்கு மட்டும் வந்தது ஏன் என கேள்வி எழுப்பினார்.

தொடர்ந்து பேசிய மு.க ஸ்டாலின், ” தமிழ்நாட்டின் மீதான அக்கறையெல்லாம் பாஜகவுக்கு கிடையாது. அடுத்த ஆண்டு தேர்தல் வருகிறது. கரூரில் அரசியல் ஆதாயம் கிடைக்குமா யாரையாவது மிரட்டலாமா என பாரதிய ஜனதா கட்சி யோசிக்கிறது.

View this post on Instagram

A post shared by DravidanTimes (@dravidantimes)

இதையும் படிங்க; மு.க. ஸ்டாலின் வீடு, பா.ஜ.க அலுவலகத்துக்கு வெடிகுண்டு மிரட்டல். சென்னையில் பரபரப்பு!

தமிழக மீனவர்கள் பிரச்சனை

தொடர்ந்து தமிழக மீனவர்கள் பிரச்சனை குறித்து பேசிய ஸ்டாலின், ” கச்சத்தீவை மீட்க வேண்டும் என பேரவையில் தீர்மானம் நிறைவேற்றி ஒன்றிய அரசிற்கு அனுப்பினோம்; ஆனால் இதுவரை இது குறித்து எந்த நடவடிக்கையும் எடுக்கப்படவில்லை. தமிழ்நாட்டு மீனவர்கள் என்றால் ஒன்றிய அரசிற்கு இளக்காரமாக போய்விட்டது; நமது மீனவர்களை காக்க ஒன்றிய அரசு இதுவரை ஒன்றும் செய்யவில்லை” என்றார்.

பாஜகவுக்கு ஆள் சேர்க்கிறார் எடப்பாடி

இதை எடுத்து எதிர்க்கட்சித் தலைவர் எடப்பாடி பழனிச்சாமியை விமர்சித்து பேசிய ஸ்டாலின், ” அவர் ஒன்றிய அரசிற்கு ஆள் சேர்க்கும் பணியில் ஈடுபட்டு வருகிறார்; பாரதிய ஜனதா கட்சிக்கு அடிமை சாசனம் எழுதிக் கொடுத்துவிட்டு தலையாட்டி பொம்மையாக இருக்கிறது அதிமுக” என்றார்.

இதையும் படிங்க; உரிய பாதுகாப்பு கொடுத்திருந்தால் உயிர்கள் போயிருக்குமா? எடப்பாடி பழனிச்சாமி கேள்வி