பாடும் நிலாவுக்கு புதிய கௌரவம்; சாலைக்கு எஸ்.பி.பி பெயர்: மு.க. ஸ்டாலின்

M K Stalin | மறைந்த பாடகர் எஸ்.பி. பாலசுப்பிரமணியத்துக்கு புதிய கௌரவமாக காம்தார் நகர் பிரதான சாலைக்கு “எஸ்.பி.பாலசுப்பிரமணியம் சாலை” எனப் பெயரிடப்படும் என தமிழக முதலமைச்சர் மு.க. ஸ்டாலின் அறிவித்துள்ளார்.
இது குறித்து மு.க. ஸ்டாலின் ட்விட்டர் எக்ஸ் தளத்தில், “பாடும் நிலா #SPBalasubrahmanyam அவர்களது நினைவு நாளில், அவர் வாழ்ந்த காம்தார் நகர் பிரதான சாலைக்கு “எஸ்.பி.பாலசுப்பிரமணியம் சாலை” எனப் பெயரிடப்படும் எனும் அறிவிப்பைச் செய்வதில் பாலு அவர்களின் கோடிக்கணக்கான ரசிகர்களில் ஒருவனாக மகிழ்ச்சியும் பெருமிதமும் கொள்கிறேன்” எனத் தெரிவித்துள்ளார்.

40 ஆயிரத்துக்கும் மேற்பட்ட பாடல்கள் பாடியுள்ள எஸ்.பி.பி பாலசுப்பிரமணியம், தனது 74வது வயதில் செப்.25, 2020ல் காலமானார். இந்த நிலையில் கடந்த சில தினங்களுக்கு முன்பு, எஸ்.பி.பி மகன் பாடகர் சரண் முதலமைச்சருக்கு கோரிக்கை ஒன்றை விடுத்து இருந்தார்.
அதில் அவர் வாழ்ந்த வீடு அமைந்திருக்கும் சாலைக்கு எஸ்.பி.பி பெயர் சூட்ட வேண்டும் எனக் கோரிக்கை விடுத்திருந்தார். இந்த நிலையில், காம்தார் சாலைக்கு எஸ்.பி.பி பெயர் சூட்டப்பட்டுள்ளது குறிப்பிடத்தக்கது.

இதையும் படிங்க : தி.மு.க, வி.சி.க கூட்டணியில் விரிசல் இல்லை: தொல். திருமாவளவன்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்