2024 Gukesh Earnings | இந்திய செஸ் நட்சத்திரம் 2024ஆம் ஆண்டில் ரூ.13.6 கோடி சம்பாதித்துள்ளார். இது, அமெரிக்க ஜனாதிபதியின் வருடாந்திர சம்பளத்தை விட இரண்டு மடங்கு அதிகம் ஆகும்.
2024 Gukesh Earnings | இந்திய செஸ் நட்சத்திரம் 2024ஆம் ஆண்டில் ரூ.13.6 கோடி சம்பாதித்துள்ளார். இது, அமெரிக்க ஜனாதிபதியின் வருடாந்திர சம்பளத்தை விட இரண்டு மடங்கு அதிகம் ஆகும்.
Published on: January 11, 2025 at 6:33 pm
செஸ் நட்சத்திரம் குகேஷ் 2024 வருமானம்: சிங்கப்பூரில் நடந்த உலக சதுரங்க சாம்பியன்ஷிப்பில் டிங் லிரெனை வீழ்த்திய பிறகு சதுரங்க வரலாற்றில் இதுவரை இல்லாத புகழின் உச்சத்தில் தமிழ்நாட்டைச் சேர்ந்த குகேஷ் உள்ளார். இந்நிலையில், குகேஷுக்கு கேல் ரத்னா விருதுக்கும் அறிவிக்கப்பட்டுள்ளது.
முன்னதாக செஸ் சாம்பியன்ஷிப் போட்டியில் வென்ற அவருக்கு பரிசுத் தொகையைப் பொறுத்தவரை, 15,77,842 அமெரிக்க டாலர்கள் அறிவிக்கப்பட்டிருந்தது. இந்தத் தொகையில் குகேஷ் தமிழக அரசிடமிருந்து பெற்ற தொகை சேர்க்கப்படவில்லை. அதாவது, உலக சாம்பியன்ஷிப்பை வென்றதற்காக, குகேஷ்க்கு 5 கோடி ரூபாய் வழங்குவதாக தமிழக அரசு முன்பு அறிவித்திருந்தது.
குகேஷ் கேண்டிடேட்ஸ் போட்டியில் வென்ற பிறகு, அவரது பள்ளியான வேலம்மாள் வித்யாலயா, அவருக்கு மெர்சிடிஸ் பென்ஸ் இ-கிளாஸையும் பரிசளித்தது. இதில் சில முக்கிய விஷயங்களை நாம் நினைவு கூர வேண்டும். 2024 ஆம் ஆண்டில் குகேஷ் 8 முக்கிய நிகழ்வுகளில் பங்கேற்றார். இந்நிலையில், டிங் லிரென் பட்டியலில் இரண்டாவது இடத்தில் உள்ளார். இதில், 11,83,600 அமெரிக்க டாலர்கள் சம்பாதித்துள்ளார்.
இதற்கிடையில், செஸ் டாம் அறிக்கையின் படி, 2024 ஆம் ஆண்டில் இரண்டு வீரர்கள் மட்டுமே ஒரு மில்லியன் டாலர்களுக்கு மேல் வென்றனர், அதே நேரத்தில் ஆறு வீரர்கள் 4,00,000 அமெரிக்க டாலர்களை சம்பாதித்துள்ளனர். இந்தப் பட்டியலில் ஆர். பிரக்ஞானந்தா 2,02,136 அமெரிக்க டாலர்கள் சம்பாதித்து பட்டியலில் ஒன்பதாவது இடத்தில் உள்ளார், அதே நேரத்தில் அர்ஜுன் எரிகைசி 1,19,767 அமெரிக்க டாலர்கள் சம்பாதித்து 15வது இடத்தில் உள்ளார்.
மேக்னஸ் கார்ல்சன் 6,33,369 அமெரிக்க டாலர்கள் சம்பாதித்து பட்டியலில் நான்காவது இடத்தில் உள்ளார். கார்ல்சன் 11 முக்கிய போட்டிகளில் பங்கேற்றார். அந்த வகையில், 2024 ஆம் ஆண்டில் பரிசுத் தொகையிலிருந்து மட்டும் குகேஷ் ரூ. 13.6 கோடி சம்பாதித்துள்ளார். இது அமெரிக்க ஜனாதிபதியின் ஆண்டு சம்பளத்தை விட இரண்டு மடங்கு அதிகம் என்பது குறிப்பிடத்தக்கது.
இதையும் படிங்க
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
