தாலி கட்டாமல் வாழ்க்கை.. 8 மாதம் ப்ரிட்ஜ்ஜில் இருந்த உடல்.. பெண்ணுக்கு நேர்ந்த கொடுமை!

Madhya Pradesh | தாலி கட்டாமல் லிவிங்கில் வாழ்ந்த பெண்ணின் உடல் வீட்டு பிரீஜ்-ஜில் இருந்து மீட்கப்பட்டுள்ளது. இந்தச் சம்பவம் பெரும் பரபரப்பை ஏற்படுத்தியுள்ளது.

லிவிங்கில் வாழ்ந்த பெண் படுகொலை

Youth arrested for killing live in girlfriend

ByDravidan Times Bureau

Published on: January 11, 2025 at 4:07 pm

Updated on: January 11, 2025 at 6:03 pm

மத்தியப் பிரதேச மாநிலத்தில் உள்ள தேவாஸ் நகரில், திருமணமான இளைஞர் ஒருவர் தனது லிவிங் காதலியை கொன்று துண்டு துண்டாக வெட்டி அவரின் உடலை குளிர்சாதனப் பெட்டியில் வைத்துள்ளார். இந்த விவகாரம் 8 மாதங்களுக்கு பின் வெளிவந்துள்ளது. தற்போது அந்தப் பெண்ணின் உடல் மீட்கப்பட்டுள்ளது.

இந்த விவகாரத்தில் சஞ்சய் படிதார் என்பவர் கைது செய்யப்பட்டுள்ளார். அவரை போலீசார் கைது செய்துள்ளனர். இந்த நிலையில் கொல்லப்பட்ட பெண்ணின் உடல் அவரின் வீட்டில் உள்ள குளிர்சாதனப் பெட்டியில் இருந்து கண்டெடுக்கப்பட்டது.
அந்தப் பெண்ணின் உடல் சேலையால் சுற்றப்பட்டிருந்தது. மேலும், பாதி அழுகிய நிலையில் காணப்பட்டது. அந்தப் பெண் நகையும் அணிந்திருந்தார். அவரின் உடலில் சில பாகங்கள் வெட்டப்பட்டிருந்தன.

இது குறித்து போலீசார் கூறுகையில், கொல்லப்பட்ட பெண் பிங்கி பிரஜாபதி ஆவார். இவர், கடந்த (2024) ஆண்டு ஜுன் மாதம் கொல்லப்பட்டுள்ளார். இவரும் சஞ்சய் படிதாரும் லிவிங்கில் இருந்துள்ளனர்.
இந்த நிலையில் பிங்கி தன்னை திருமணம் செய்துக் கொள்ளும் படி வலியுறுத்தியுள்ளார். அதற்கு மறுத்த நிலையில் சஞ்சய் அவரை கொன்று உடலை வீட்டில் உள்ள குளிர்சாதனப் பெட்டியில் வைத்துள்ளார்.

கொல்லப்பட்ட பெண்ணுக்கு 30 வயது இருக்கும் என்றார். மேலும், வீட்டில் உரிமையாளர் அழுகிய நாற்றம் வருவதை பார்த்து சந்தேகம் அடைந்த நிலையில் இந்த விவகாரம் வெளிவந்துள்ளது.
இது குறித்து போலீசார் விரிவான விசாரணை நடத்தி வருகின்றனர். இந்தச் சம்பவம் அப்பகுதியில் பெரும் பரபரப்பை ஏற்படுத்தி இருந்தது.

இதையும் படிங்க