சீனாவை முந்திய இந்தியா.. அரிசி உற்பத்தியில் புதிய சாதனை!

India becomes worlds largest rice producer: உலகின் அதிக அரிசி உற்பத்தியாளர் என்ற நிலையை இந்தியா எட்டியுள்ளது.

அரிசி உற்பத்தியில் இந்தியா சாதனை

BySaranya JK

Published on: January 5, 2026 at 11:17 am

Updated on: January 5, 2026 at 12:00 pm

புதுடெல்லி, ஜன.5, 2026: இந்தியா உலகின் மிகப்பெரிய அரிசி உற்பத்தியாளராக, சீனாவை முந்தியுள்ளது. இதனை ஞாயிற்றுக்கிழமை (ஜன.4, 2025) புதுடெல்லியில் ஒன்றிய வேளாண்மை அமைச்சர் சிவராஜ் சிங் சௌஹான் தெரிவித்துள்ளார்.

இது குறித்து அவர் மேலும் கூறுகையில், “இந்தியாவின் அரிசி உற்பத்தி 150.18 மில்லியன் டன்னாக உயர்ந்துள்ளது; சீனாவின் உற்பத்தி 145.28 மில்லியன் டன் ஆக காணப்படுகிறது. இந்தியா தற்போது வெளிநாட்டு சந்தைகளுக்கு அரிசி வழங்கி வருகிறது” என்றார்.

தொடர்ந்து, இந்திய வேளாண் ஆராய்ச்சி கவுன்சில் (ICAR) உருவாக்கிய 25 வயல்வெளி பயிர்களின் 184 மேம்படுத்தப்பட்ட வகைகளை தேசிய தலைநகரில் நடைபெற்ற நிகழ்ச்சியில் வெளியிட்டார். அவர் வெளியிடப்பட்ட 184 வகைகளில் 122 தானியங்கள், 6 பருப்பு வகைகள், 13 எண்ணெய் விதைகள், 11 தீவனப் பயிர்கள், 6 கரும்பு, 24 பருத்தி, மேலும் தலா ஒன்று ஜூட் மற்றும் புகையிலை வகைகள் அடங்கும்.

இந்நிகழ்வில் உரையாற்றிய சௌஹான், “அதிக விளைச்சல் தரும் விதைகள் உருவாக்கத்தில் நாடு மிகப்பெரிய வெற்றியைப் பெற்றுள்ளது. புதிய வகைகள் விரைவாக விவசாயிகளிடம் சென்றடைய அதிகாரிகள் நடவடிக்கை எடுக்க வேண்டும். இந்த 184 மேம்பட்ட வகைகள் விவசாயிகளுக்கு அதிக விளைச்சல் மற்றும் தரமான விளைபொருள்களை வழங்கும். உயர்தர விதைகள் ஒவ்வொரு விவசாயியின் வயலுக்கும் சென்றடைய வேண்டும்” என்றார்.

மேலும், “பருப்பு மற்றும் எண்ணெய் விதை உற்பத்தியை அதிகரித்து இந்தியா தன்னிறைவு அடைய வேண்டும்” என்றார்.

இதையும் படிங்க : ப. சிதம்பரத்திடம் கண்டிப்புடன் கூறிய மு க ஸ்டாலின்.. தராசு ஷ்யாம் வெளியிட்ட தகவல்!