மோடியை சந்தித்த திசநாயக்க.. மீனவர்கள் பிரச்னை குறித்து பேச்சு?

இலங்கை அதிபர் திசநாயகே பிரதமர் மோடியை சந்தித்து பேசினார்.

இலங்கை அதிபர் திசநாயகே - பிரதமர் மோடி

Sri Lankan president Dissanayake meets PM Modi

ByDravidan Times Bureau

Published on: December 16, 2024 at 5:30 pm

Updated on: December 17, 2024 at 5:04 pm

Sri Lankan president india Visit | இலங்கை அதிபராக அநுர குமார பதவியேற்ற பிறகு, முதல் வெளிநாட்டு பயணமாக இந்தியா வந்துள்ளார்.

அநுர குமார மூன்று நாள் பயணமாக இந்தியாவுக்கு வந்துள்ளார். இந்தியா வந்துள்ள அவரை நேற்று மத்திய இணையமைச்சர் எல்.முருகன் மற்றும் அரசு அதிகாரிகள் வரவேற்றனர்.

அதன் பிறகு, மத்திய அமைச்சர்கள் நிர்மலா சீதாராமன், ஜெய்சங்கர் ஆகியோர் இலங்கை அதிபர் அநுர குமாரவை சந்தித்துப் பேச்சுவார்த்தை நடத்தினர். இலங்கை அதிபர் அநுர குமார திசநாயகவுக்கு குடியரசுத் தலைவர் மாளிகையில் அணிவகுப்பு மரியாதை அளிக்கப்பட்டது.

இந்த நிலையில், இன்று இலங்கை அதிபர் அநுர குமார பிரதமர் மோடியை சந்தித்தார். இந்த சந்திப்பின் போது, தமிழக மீனவர்கள் பிரச்சனை, இலங்கை தமிழர்களுக்கான பல்வேறு கோரிக்கைகள் ஆகியவை குறித்து பேச்சுவார்த்தை நடத்தப்பட்டது.

இந்த சந்திப்பிற்கு பிறகு செய்தியாளரக்களை சந்தித்த இலங்கை அதிபர் அநுர குமார, இரு நாடுகளுக்கும் மிகப்பெரிய சிக்கலாக மாறியுள்ள மீனவர் பிரச்சினைக்கு நிரந்தர தீர்வைக் காண விரும்புகிறோம். அந்த பகுதியில் உள்ள மீனவர்களால் இழுவை படகுகள் மூலம் மீன்பிடிக்கும் முறைகள் பின்பற்றப்பட்டு வருகின்றன. அது இத்தொழிலுக்கு அழிவை ஏற்படுத்தும் என்பதால் அதற்கு முற்றுப்புள்ளி வைக்க வேண்டும்.

கடந்த 2 ஆண்டுகளுக்கு முன்பு வரலாறு காணாத பொருளாதார நெருக்கடியை இலங்கை சந்தித்தபோது, அதில் இருந்து மீண்டு வர இந்தியா எங்களுக்கு பெரும் ஆதரவை வழங்கியது என்று தெரிவித்தார்.

இதையும் படிங்க