டெல்லியில் தலைமைச் செயலர் மாநாடு.. என். முருகானந்தன் பங்கேற்பு!

Fifth National Conference of Chief Secretaries: டெல்லியில் இன்று நடந்த தலைமைச் செயலாளர் மாநாட்டில் தமிழக தலைமைச் செயலாளர் என். முருகானந்தன் கலந்து கொண்டார்.

File photo பிரதமர் நரேந்திர மோடி தலைமையில், டெல்லியில் தலைமைச் செயலாளர்கள் மாநாடு (File Photo)

BySaranya JK

Published on: December 27, 2025 at 12:10 am

புதுடெல்லி, டிச. 27 2025; பிரதமர் நரேந்திர மோடி தலைமையில், டெல்லியில் மாநில தலைமைச் செயலாளர்கள் மாநாடு டிசம்பர் 27ஆம் தேதி தொடங்கி 29ஆம் தேதி வரை மூன்று நாட்கள் தொடர்ந்து நடைபெற உள்ளது. மாநிலங்கள் மற்றும் மத்திய அரசு இடையே இணக்கத்தை வலுப்படுத்தும் விதமாக இந்த மாநாடு நடத்தப்பட்டு வருகிறது.

மேலும், 2025 டிசம்பர் 26 முதல் 28 வரை நடைபெறும் மூன்று நாள் மாநாடு, பொதுவான வளர்ச்சி திட்டத்தை இறுதிப்படுத்தும் நோக்கில் தீவிரமான விவாதங்களுக்கு அர்ப்பணிக்கப்படும். இந்தியாவின் மக்கள்தொகையை வெறும் மக்கள் பலமாக மட்டுமே பார்க்காமல், குடிமக்களை மனித மூலதனமாக நிலைநிறுத்துவதற்கான கூட்டுப் பணிகளுக்கான அடித்தளத்தை அமைக்கும். கல்வி அமைப்புகளை வலுப்படுத்துதல், திறன் மேம்பாட்டு முயற்சிகளை முன்னேற்றுதல் மற்றும் எதிர்காலத்திற்குத் தயாரான வேலை வாய்ப்புகளை உருவாக்குதல் ஆகியவற்றிற்கான தெளிவான உத்திகள் உருவாக்கப்படும்.

மத்திய அமைச்சகங்கள்/துறைகள், நிதி ஆயோக், மாநிலங்கள்/கூட்டாட்சிப் பிரதேசங்கள் மற்றும் துறை நிபுணர்களுக்கிடையிலான விரிவான ஆலோசனைகளின் அடிப்படையில், ஐந்தாவது தேசிய மாநாடு ‘விக்சித் பாரதிற்கான மனித மூலதனம்’ என்ற தலைப்பில் மாநிலங்கள்/கூட்டாட்சிப் பிரதேசங்கள் பின்பற்ற வேண்டிய சிறந்த நடைமுறைகள் மற்றும் உத்திகளை உள்ளடக்கியதாக இருக்கும்.

கடந்த நான்கு ஆண்டுகளாக தலைமைச் செயலாளர்களின் தேசிய மாநாடு ஆண்டுதோறும் நடத்தப்பட்டு வருகிறது. முதல் மாநாடு 2022 ஜூன் மாதத்தில் தரம்சாலாவில் நடைபெற்றது. அதன் பின்னர் 2023 ஜனவரி, 2023 டிசம்பர் மற்றும் 2024 டிசம்பர் மாதங்களில் நியூ டெல்லியில் மாநாடுகள் நடைபெற்றன.

இந்த மாநாட்டில் தமிழக தலைமைச் செயலாளர் என் முருகானந்தம் உட்பட பல்வேறு தலைமைச் செயலாளர்கள் கலந்து கொண்டுள்ளனர் என்பது குறிப்பிடத்தக்கது.

இதையும் படிங்க; 24 ஆண்டுகளாக தொடரும் அநீதி? திடீரென சட்டையை கழற்றிய முன்னாள் ராணுவ வீரர்கள்!