மும்பை கடற்கரை பகுதிகளில் பாதுகாப்பு அதிகரிப்பு.. பயங்கரவாதிகள் ஊடுருவ முயற்சியா?

Pahalgam terror attack: ஜம்மு காஷ்மீர் பல்ஹாம் பயங்கரவாத தாக்குதலை தொடர்ந்து, மும்பை கடற்கரை பகுதிகளில் பாதுகாப்பு தீவிரப்படுத்தப்பட்டுள்ளது. மேலும், முன்னெச்சரிக்கை நடவடிக்கைகளும் அதிகரிக்கப்பட்டுள்ளன.

மும்பை கடற்கரையில் பாதுகாப்பு அதிகரிப்பு

Pahalgam terror attack Security has been increased in Mumbai

BySaranya JK

Published on: April 24, 2025 at 7:24 pm

மும்பை, ஏப்.24 2025: ஜம்மு-காஷ்மீரின் பஹல்காமில் சுற்றுலாப் பயணிகள் மீது 2025 ஏப்ரல் 22ஆம் தேதி நடந்த பயங்கர பயங்கரவாதத் தாக்குதலில் 26 பேர் கொல்லப்பட்டனர். இந்தத் தாக்குதலுக்குப் பிறகு மும்பை காவல்துறை ‘உஷார் நிலையில்’ இருப்பதாக ஏஜென்சி அறிக்கைகள் தெரிவிக்கின்றன. முன்னதாக, பஹல்காமில் உள்ள பிரபலமான சுற்றுலாத் தலமான பைசரனில் பயங்கரவாதிகள் துப்பாக்கிச் சூடு நடத்தினர்.

இதில், குறைந்தது 26 பேர் கொல்லப்பட்டனர். மேலும் பலர் காயமடைந்து உயிருக்கு ஆபத்தான நிலையில் சிகிச்சை பெற்று வருகின்றனர்.

மும்பையில் பாதுகாப்பு அதிகரிப்பு

இந்த நிலையில், அனைத்து மூத்த காவல்துறை அதிகாரிகளும் விழிப்புடன் இருக்க வேண்டும் என அறிவுறுத்தப்பட்டுள்ளதாகவும், பல்வேறு புதிய இடங்களில் பாதுகாப்பு சோதனை சாவடிகளை அதிகரிக்கவும் அறிவுறுத்தப்பட்டுள்ளது என பாதுகாப்பு அதிகாரி ஒருவரி பி.டி.ஐ செய்தி நிறுவனத்திடம் தெரிவித்தார்.

இது குறித்து பேசிய அந்த அதிகாரி, “அனைத்து மூத்த காவல் ஆய்வாளர்கள் (SPIகள்) மற்றும் மண்டல காவல் துணை ஆணையர்கள் (DCPகள்) தங்கள் அதிகார வரம்புகளில் மிகவும் விழிப்புடனும் விழிப்புடன் இருக்க வேண்டும்” என்றார்.

மும்பை துப்பாக்கிச் சூடு

முன்னதாக, நவம்பர் 26, 2008 அன்று, மும்பையில் உள்ள அரேபிய கடல் துறைமுகம் வழியாக 10 பாகிஸ்தான் பயங்கரவாதிகள் இந்தியாவுக்குள் ஊடுருவி நகரின் தெற்குப் பகுதியில் பல்வேறு இடங்களில் துப்பாக்கிச் சூடு நடத்தினார்கள் என்பது நினைவு கூரத்தக்கது.

இதையும் படிங்க : ‘ஆண்களைக் குறி வைத்த பயங்கரவாதிகள்’.. பாதிக்கப்பட்ட கர்நாடகப் பெண் கண்ணீர்..!