வயநாட்டில் பிரியங்கா, ‘ஜமாத்-இ-இஸ்லாமி’ ஆதரவில் போட்டி: பினராய் விஜயன்!

Kerala | வயநாட்டில் பிரியங்கா காந்தி, ஜமாத்-இ-இஸ்லாமி ஆதரவில் போட்டியிடுகிறார் என கேரள முதலமைச்சர் பினராய் விஜயன் கூறியுள்ளார்.

கேரள முதல் அமைச்சர் பினராய் விஜயன்

ByDravidan Times Bureau

Published on: November 8, 2024 at 2:24 pm

Kerala | கேரள முதல்வர் பினராயி விஜயன் வியாழக்கிழமை (நவ. 7, 2024) காங்கிரஸ் தலைவர் பிரியங்கா காந்தி, “ஜமாத்-இ-இஸ்லாமி ஆதரவுடன் வயநாட்டில் போட்டியிடுகிறார் என்றார். கேரளாவில் வியாழக்கிழமை நடைபெற்ற நிகழ்ச்சி ஒன்றில் பேசிய பினராய் விஜயன், “மதச்சார்பின்மைக்காக நிற்பவர்கள் அனைத்து வகையான மதவெறியையும் எதிர்க்கக் கூடாதா?” என்றார்.

வயநாடு இடைத்தேர்தல் காங்கிரஸ் கட்சியின் மதச்சார்பற்ற முகமூடி தற்போது அம்பலமாகியுள்ளது. ஜமாத்-இ-இஸ்லாமியின் ஆதரவுடன் பிரியங்கா காந்தி அங்கு வேட்பாளராக போட்டியிடுகிறார். இதில், காங்கிரஸின் நிலைப்பாடு என்ன? ஜமாத்-இ-இஸ்லாமி பற்றி நம் நாட்டிற்குத் தெரியாதது அல்ல. ஜமாத்-இ-இஸ்லாமி அமைப்பின் சித்தாந்தம் ஜனநாயக விழுமியங்களுடன் ஒத்துப்போகிறதா?” என்றார்.

ஜமாத்-இ-இஸ்லாமி தேசத்தின் நிர்வாகக் கட்டமைப்பை அலட்சியம் செய்கிறது. மேலும், ந்த அமைப்பு தேசத்தையோ அதன் ஜனநாயகத்தையோ மதிப்பதில்லை. ஜம்மு காஷ்மீர் சட்டசபை தேர்தலின் போது இந்த அமைப்பின் முகத்திரை அம்பலமானது. ஜம்மு-காஷ்மீரில் ஜமாத்-இ-இஸ்லாமி நீண்ட காலமாக தேர்தல்களை எதிர்த்து, பலமான மதவெறி நிலைகளை ஊக்குவித்தது. இருப்பினும், அவர்கள் பாஜகவுடன் (காஷ்மீரில்) தங்களை இணைத்துக் கொண்டனர்.

ஜமாத்-இ-இஸ்லாமி அங்கு மூன்று அல்லது நான்கு இடங்களில் போட்டியிட திட்டமிட்டது. CPI(M) தலைவர் முகமது யூசுப் தாரிகாமி நிற்கும் இடத்தில் கவனம் செலுத்தி தாரிகாமியை தோற்கடிப்பதே குறிக்கோளாக இருந்தது, தொடர்ந்து, “வயநாட்டில் உள்ள ஜமாத்-இ-இஸ்லாமி, காஷ்மீரில் உள்ள ஜமாத்-இ-இஸ்லாமியில் இருந்து வேறுபட்டவர்கள் என்று கூறினாலும், அவர்களின் சித்தாந்தம் அப்படியே உள்ளது” என்றார்.

வயநாட்டில் நவம்பர் 13-ம் தேதி இடைத்தேர்தல் நடைபெற உள்ளது. ரேபரேலி மற்றும் வயநாடு ஆகிய இரு தொகுதிகளிலும் வெற்றி பெற்ற காங்கிரஸ் தலைவர் ராகுல் காந்தி, பின்னாள்களில் வயநாட்டை காலி செய்ததால் இங்கு இடைத்தேர்தல் நடத்தப்படுகிறது குறிப்பிடத்தக்கது.

இதையும் படிங்க: மராட்டிய மண்ணில் பிறந்தவர்களுக்கு இலவச கல்வி: உத்தவ் தாக்கரே வாக்குறுதி