Waqf Amendment Bill: வக்ஃப் திருத்த மசோதாவுக்கு ஆதரவு ஏன்? ஜே.டி.யூ பதில்!

Waqf Amendment Bill: மசோதாவுக்கு ஒப்புதல் அளித்ததற்கு எதிர்ப்பு தெரிவித்து ஜே.டி.(யு)வின் ஐந்து முஸ்லிம் தலைவர்கள் ராஜினாமா செய்துள்ளனர்.

பிகார் முதலமைச்சர் நிதிஷ் குமார்

BySaranya JK

Published on: April 5, 2025 at 9:21 pm

பாட்னா, ஏப்.5 2025: நாடாளுமன்றத்தில் வக்ஃப் திருத்த மசோதாவிற்கு ஆதரவாக வாக்களித்தது ஏன் என்பது குறித்து நிதிஷ் குமாரின் ஐக்கிய ஜனதா தளம் (ஐக்கிய) சனிக்கிழமை (ஏப்.5 2025) விளக்கம் அளித்துள்ளது.
முன்னதாக, வக்ஃப் திருத்தச் சட்டத்தை ஆதரித்ததற்காக பல முஸ்லிம் தலைவர்களும் அமைப்புகளும் ஜே.டி.(யு)வை விமர்சித்துள்ளன.

மேலும், மசோதாவுக்கு ஒப்புதல் அளித்ததற்கு எதிர்ப்புத் தெரிவித்து அக்கட்சியின் ஐந்து முஸ்லிம் தலைவர்கள் ராஜினாமா செய்துள்ளனர்.
இதற்கிடையில், வக்ஃப் (திருத்தம்) மசோதாவின் பரிந்துரைகளை ஆளும் கட்சி ஏற்றுக்கொண்ட பின்னரே தனது கட்சி அதை ஆதரித்ததாக ஜே.டி.(யு) தலைவர் அஞ்சும் அரா கூறினார்.

இது குறித்து அவர் அளித்த விளக்கத்தில், “ஜே.டி.யு ஐந்து பரிந்துரைகளை முன்வைத்தது; அவற்றை நிபந்தனைகள் என்றும் அழைக்கலாம். இவை அனைத்தும் வக்ஃப் திருத்த மசோதாவில் ஏற்றுக்கொள்ளப்பட்டன.

அந்த நிபந்தனைகள்..,

நிலம் என்பது ஒரு மாநில விஷயம், எனவே இந்த முன்னுரிமை சட்டங்களிலும் பராமரிக்கப்பட வேண்டும்.
இந்தச் சட்டம் பிற்போக்காக அல்லாமல் வருங்கால வழியில் பயனுள்ளதாக இருக்க வேண்டும்.
பதிவு செய்யப்படாத வக்ஃப் சொத்துக்களில் ஒரு மத நிறுவனம் நிறுவப்பட்டிருந்தால், அது சிதைக்கப்படக் கூடாது.

வக்ஃப் சொத்துக்கள் தொடர்பான தகராறுகளைத் தீர்க்க, மாவட்ட நீதிபதி பதவிக்கு மேல் உள்ள அதிகாரிகள் அங்கீகரிக்கப்பட வேண்டும். வக்ஃப் வாரிய சொத்துக்களை டிஜிட்டல் போர்ட்டலில் பதிவு செய்வதற்கான மசோதாவில் கொடுக்கப்பட்டுள்ள 6 மாத கால அவகாசம் நீட்டிக்கப்பட வேண்டும். இந்தப் பரிந்துரைகள் ஏற்கப்பட்ட பின்னரே வக்ஃப் திருத்த மசோதாவுக்கு ஜே.டி.யூ ஆதரவாக வாக்களித்தது” என்றார்.

இதையும் படிங்க : இன்று வக்ஃப், அடுத்து கத்தோலிக்க திருச்சபை நிலங்கள்.. பகீர் கிளப்பும் ராகுல் காந்தி