செப்டம்பரில் ‘லா நினா’; கொட்டித் தீர்க்கப் போகும் கனமழை: இந்திய வானிலை ஆய்வு மையம் எச்சரிக்கை

India Meteorological Department | லா நினா அல்லது மத்திய பசிபிக் பெருங்கடலின் குளிர்ச்சியான காலநிலை காரணமாக செப்டம்பரில் கனமழை பெய்ய அதிக வாய்ப்புகள் உள்ளன. இதனை உறுதி செய்துள்ள, இந்திய வானிலை ஆய்வு மையம் செப்டம்பர் மாதத்தில் மழை பெய்யும் என்று கணித்துள்ளது, மேலும் வட இந்தியாவின் பல பகுதிகளில் அதிக மழை பெய்யும் என்று கணித்துள்ளது.

செப்டம்பரில் பருவமழை பின்வாங்கத் தொடங்கும் என்று எதிர்பார்க்கப்படும் நிலையில், லா நினாவின் தாக்கம் வங்காள விரிகுடாவில் தீவிரமான “சூறாவளி”க்கு வழிவகுக்கும் என்றும் கூறப்படுகிறது.
இதன் விளைவாக மாதத்தின் பெரும்பகுதி மழை பெய்ய வாய்ப்புகள் உள்ளன.

இது குறித்து சனிக்கிழமை (ஆக.31) செய்தியாளர்கள் சந்திப்பில் பேசிய இந்திய வானிலை ஆய்வு மைய இயக்குனர் இயக்குனர் ஜெனரல் மிருதுஞ்சய் மொஹபத்ரா, “செப்டம்பரில் பருவமழை வழக்கத்தை விட 9% அதிகமாக இருக்கும் என்று எதிர்பார்க்கப்படுகிறது” என்றார்.

மேலும் இந்திய வானிலை ஆய்வு மையத்தின் முன்னறிவிப்பு வரைபடங்களின்படி, ராஜஸ்தான், உத்தரகண்ட் மற்றும் டெல்லியின் பல பகுதிகளில் கனமழை பெய்யக்கூடும் என்று எதிர்பார்க்கப்படுகிறது.
இந்நிலையில் , “பருவமழை திரும்பப் பெறுவது வழக்கமாக செப்டம்பர் நடுப்பகுதியில் தொடங்கும், ஆனால் அதிக மழைப்பொழிவு எதிர்பார்க்கப்படுவதால், இப்போதைக்கு அதை முன்னறிவிக்க இயலாது” என்றார்.

செய்தியாளர் ஜே.கே
புதுடெல்லி

இதையும் படிங்க குஜராத்தில் வீடுகளில் புகுந்த முதலலைகள்: 2 நாளில் 24 மீட்பு

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்