டெல்லியை குளிர்வித்த மழை.. வெப்ப சூடு தணிந்தது.. மக்கள் நிம்மதி!

Heavy Rain Batters Delhi : கடந்த சில நாள்களாக கடுமையான வெயில் வாட்டி வதைத்த நிலையில், டெல்லியில் இன்று மாலை மழை பெய்தது.

டெல்லியில் கனமழை

BySaranya JK

Published on: June 4, 2026 at 6:06 pm

Updated on: June 4, 2026 at 6:15 pm

புதுடெல்லி, ஜூன் 4, 2026: இன்று டெல்லி மற்றும் அதன் சுற்றுப்புறங்களில் கனமழை பெய்து, வெப்பத்தால் அவதிப்பட்ட மக்களுக்கு பெரும் நிம்மதி அளித்துள்ளது. இந்திய வானிலை ஆய்வு மையம் (ஐ.எம்.டி) மழை, இடியுடன் கூடிய மின்னல், பலத்த காற்று ஆகியவை தொடர்ந்து சில நாட்கள் நீடிக்கும் என எச்சரிக்கை விடுத்துள்ளது.

டெல்லியை பொறுத்தமட்டில், பல பகுதிகளில் கனமழை பெய்து, சாலைகளில் நீர் தேங்கியுள்ளது. இதற்கிடையில், பலத்த காற்று (60 கி.மீ வரை) வீசியதால், மக்கள் வீட்டுக்குள் இருக்குமாறு அறிவுறுத்தப்பட்டுள்ளனர்.

வானிலை ஆய்வு மையத்தின் எச்சரிக்கை

இந்நிலையில், வானிலை ஆய்வு மையத்தின் சார்பில் மஞ்சள் எச்சரிக்கை வெளியிடப்பட்டுள்ளது; ஜூன் 6 வரை இடையிடையே மழை, இடியுடன் கூடிய மின்னல், பலத்த காற்று ஏற்படும் வாய்ப்பு உள்ளது.
அதில், மேற்கு வானிலை மாற்றம் காரணமாக இந்த மழை ஏற்பட்டுள்ளது எனத் தெரிவிக்கப்பட்டுள்ளது.

வெப்பம் சரிவு

இந்த மழை காரணமாக, கடந்த சில நாட்களாக 39°C–42°C வரை இருந்த வெப்பநிலை, மழையால் குறைந்துள்ளது. மக்கள் வெப்ப அலை சிரமத்திலிருந்து தற்காலிக நிவாரணம் பெற்றுள்ளனர்.

மற்ற பகுதிகளில் வானிலை எப்படி?

இதற்கிடையில், டெல்லி, நோய்டா, குருகிராம், காசியாபாத் போன்ற NCR பகுதிகளில் இடையிடையே மழை பெய்யும் எனவும் தெரிவிக்கப்பட்டுள்ளது. இந்த நிலையில், மக்கள் பயணிக்கும் போது எச்சரிக்கையுடன் இருக்கவும், மின்னல் நேரங்களில் வெளியில் செல்லாமல் இருக்கவும் வானிலை ஆய்வு மையம் அறிவுறுத்தியுள்ளது.

இதையும் படிங்க : மேகதாது அணை விவகாரம்.. 40 ஆண்டுகளாக அரசியல் செய்யும் தமிழ்நாடு.. டி.கே சிவக்குமார் விமர்சனம்!