டெல்லியில் 4 மாடி கட்டடம் இடிந்து விபத்து.. 6 பேர் உயிரிழப்பு

Delhi Building Collapse : டெல்லியில் கட்டடம் இடிந்து விழுந்த விபத்தில் 6 பேர் பரிதாபமாக உயிரிழந்தனர்.

டெல்லியில் கட்டடம் இடிந்து விபத்து

BySaranya JK

Published on: May 31, 2026 at 8:12 pm

புதுடெல்லி, மே 31, 2026 : தென் டெல்லி, சாகேத் மெட்ரோ நிலையம் அருகிலுள்ள சைதுலாஜாப் பகுதியில் சனிக்கிழமை (மே 30) மாலை ஒரு நான்கு மாடி வணிகக் கட்டிடம் திடீரென இடிந்து விழுந்தது. இந்த விபத்தில் குறைந்தது ஆறு பேர் உயிரிழந்துள்ளனர். மேலும் பத்து பேர் கடுமையாக காயமடைந்துள்ளனர். சம்பவம் நிகழ்ந்ததும் அப்பகுதி மக்கள் பெரும் பதற்றத்தில் ஆழ்ந்தனர்.

உடனடியாக மீட்புப்படையினர், தீயணைப்பு துறை மற்றும் போலீசார் சம்பவ இடத்திற்கு விரைந்து வந்து மீட்பு பணிகளை தொடங்கினர். இடிபாடுகளுக்குள் சிக்கியிருந்தவர்களை வெளியே எடுக்க பல மணி நேரம் போராடினர். காயமடைந்தவர்கள் அருகிலுள்ள மருத்துவமனைகளுக்கு கொண்டு செல்லப்பட்டு சிகிச்சை அளிக்கப்பட்டு வருகிறது.

இந்த கட்டிடம் வணிக பயன்பாட்டிற்காக இருந்ததாகவும், அங்கு பல கடைகள் மற்றும் அலுவலகங்கள் இயங்கி வந்ததாகவும் தகவல்கள் தெரிவிக்கின்றன. கட்டிடத்தின் தரம் குறித்தும், அனுமதி தொடர்பான விதிமுறைகள் பின்பற்றப்பட்டதா என்ற கேள்வியும் எழுந்துள்ளது. அதிகாரிகள் சம்பவத்திற்கான காரணங்களை ஆராய்ந்து வருகின்றனர்.

இந்த துயர சம்பவம் குறித்து டெல்லி அரசு விசாரணைக்கு உத்தரவிட்டுள்ளது. உயிரிழந்தவர்களின் குடும்பங்களுக்கு நிவாரணம் வழங்கப்படும் எனவும், காயமடைந்தவர்களுக்கு தேவையான அனைத்து மருத்துவ உதவிகளும் செய்யப்படும் எனவும் அதிகாரிகள் உறுதியளித்துள்ளனர். இந்த விபத்து நகரில் கட்டிட பாதுகாப்பு குறித்த கவலைகளை மீண்டும் எழுப்பியுள்ளது.

இதையும் படிங்க : வக்ஃப் சொத்துக்களை மீட்க போராட்டம்.. வழக்கறிஞர் கொலை.. காங்கிரஸ் தலைவர் கைது!