ஓணம் ஸ்பெஷல்; சாம்பாருடன் சாப்பிட்டால் ருசி அள்ளும்: கேரள ஸ்டைலில் அவியல் செய்வது எப்படி?

How to make aviyal receipe in kerala style | அவியல் கூட்டில் பல காய்கறிகள் இருப்பதால், இது உடலுக்கு ஆரோக்கியமான ஒரு உணவுப் பொருளாக உள்ளது. பெரும்பாலும் அவியல் கோட்டை குழந்தைகள் விரும்புவதில்லை. ஆனால் இந்த முறையில் செய்யப்படும் அவியல் கூட்டை குழந்தைகள் இன்னும் வேண்டும், இன்னும் வேண்டும் என கேட்டு கேட்டு சாப்பிடுவார்கள்.

தற்போது நாம் கேரள ஸ்டைலில் ஈஸியான முறையில் அவியல் செய்வது எப்படி என்பது குறித்து பார்க்கலாம்.

தேவையான பொருள்கள்

கேரட் – 2
பீன்ஸ்- 10
முருங்கைக்காய்- 1
அவரைக்காய்- 10
கத்தரிக்காய் – 3
சேனை கிழங்கு – கால் கப்
உருளைக்கிழங்கு- 1
துருவிய தேங்காய்- கால் கப்
தயிர் – கால் கப்
சீரகம் – 1 ஸ்பூன்
உளுந்து-1 ஸ்பூன்
பச்சை மிளகாய் -4 (காரத்துக்கு ஏற்ப சேர்த்துக் கொள்ளவும்)
மஞ்சள் தூள் – 1/2 ஸ்பூன்
கடுகு
கருவேப்பிலை

செய்முறை

முதலில் ஒரு குக்கரில் வெட்டி வைத்த அனைத்து காய்கறிகளையும் எடுத்துக்கொள்ள வேண்டும். இதனுடன் மஞ்சள் தூள், உப்பு மற்றும் ஒரு கிளாஸ் தண்ணீர் ஊற்றி குக்கரை ஒரு விசில் வைக்க வேண்டும். ஒரு விசிலில் காய்கறிகள் வெந்துவிடும்.

பின்னர் மிக்ஸி ஜாரில் துருவிய தேங்காய், சீரகம் மற்றும் பச்சை மிளகாய் சேர்த்து அரைத்துக் கொள்ள வேண்டும். பின்னர் குக்கரில் ஆவி வெளியேறியதும் மூடியை திறந்து அதனுடன் அரைத்து வைத்த தேங்காய் கலவை மற்றும் தயிர் சேர்த்து மெதுவாக கிளறி விட வேண்டும்.

இந்த நேரத்தில் அவியலுக்கு தேவையான உப்பினை சரிபார்த்துக் கொள்ளவும். பின்னர் 5 நிமிடங்கள் நன்கு கொதிக்க விட்டு பின்னர் அடுப்பினை ஆப் செய்ய வேண்டும்.

இதை அடுத்து தேங்காய் எண்ணெய், கடுகு, உளுந்தம் பருப்பு மற்றும் கருவேப்பிலை சேர்த்து தாளிப்பு தயார் செய்து, தயார் செய்து வைத்த அவியலில் சேர்த்து மெதுவாக கிளறி விட வேண்டும். இப்போது குழந்தைகள் விரும்பி உண்ணக்கூடிய கேரளா ஸ்டைல் அவியல் கூட்டு தயார்.

இதையும் படிங்க: சர்க்கரை நோயாளிகள் பனங்கிழங்கு சாப்பிடலாமா? டாக்டர் ஆஷா லெனின் பதில்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்